पुण्यात कोरोना पुन्हा वाढतोय ; रुग्णसंख्या १६८३ वर

पुणे : पुणेकरांनो सावधान ! कोरोनाच्या रुग्णांची संख्या हळूहळू पुन्हा वाढत आहेत. संसर्ग रोखण्यासाठी गर्दीत जाणे टाळाच. मास्क घातल्याशिवाय घराबाहेर पडू नका आणि सगळ्यात महत्त्वाचं म्हणजे वारंवार हात साबणाने धुवा किंवा सॅनिटायझरचा वापर करा. त्या शिवाय आता उपाय नाही, असा सल्ला वैद्यकीय तज्ज्ञांनी दिला आहे.

पुण्यात पुन्हा कोरोनाचा आलेख वाढताना दिसतो आहे. शहराचा पॉझिटिव्हीटी रेट हा आता १०% पर्यंत जाउन पोहोचला आहे. पुण्यात सोमवारी एकूण १९३ नव्या रुग्णांची भर पडली. शहरातल्या एकूण रुग्णांची संख्या १६८३ वर पोहोचली असून आज १६९ रुग्ण बरे झाले आहेत. तर, २ जणांचा मृत्यू झाला आहे.

पिंपरी चिंचवड मध्ये सोमवारी दिवसभरात १०० जणांचा कोरोना चाचणीचा अहवाल पॉझिटिव्ह आला. तर ६२ जण कोरोनामुक्त झाले. शहरातील पॉझिटिव्ह रुग्णांची संख्या एक लाख एक हजार ८६८ झाली आहे. गेल्या आठवड्यापर्यंत शहरातील सक्रीय रुग्णांची संख्या दोन हजारांपेक्षा कमी होती. मात्र या आठवड्यात त्यात भर पडली असून शहरातील सक्रिय रुग्णांची संख्या २०१४ झाली आहे. त्यामुळे चिंता व्यक्त केली जात आहे.

कोरोना पॉझिटिव्ह असलेले ७०७ सक्रीय रुग्ण रुग्णालयात उपचार घेत आहेत. तर सक्रीय असलेल्या १३०७ रुग्णांचे गृहविलगीकरण करण्यात आले आहे. असे एकूण २०१४ सक्रीय रुग्ण शहरात आहेत. सोमवारी दिवसभरात २५१ घरांना भेटी देऊन ८७२ नागरिकांचे सर्वेक्षण करण्यात आले.

महत्वाच्या बातम्या 

• शेतकऱ्यांचे वीज कनेक्शन तत्काळ जोडा, आमदार राजपूत यांची हात जोडून विनंती
• कोरोना योद्ध्यांचा सन्मान फक्त दिखाव्यासाठी ! प्रत्यक्षात मात्र उपेक्षाच
• चांगलं काम करणाऱ्या अधिकाऱ्यांना त्रास देऊ नका, गडकरींनी टोचले स्वपक्षातील लोकप्रतिनिधींचे कान
• ग्रेटा थनबर्ग टूलकिट प्रकरणात दिशानंतर आता निकिता जेकब विरोधात अटक वॉरंट
• पूजा चव्हाण प्रकरणी आवाज उठवणाऱ्या ‘या’ भाजप आमदाराला येताहेत धमकीचे फोन