बेळगाव : कर्नाटकसह सर्व राज्यांचे लक्ष लागून असणाऱ्या बेळगाव महानगरपालिकेचा निकाल जाहीर झाला आहे. भाजपने निविर्वाद आपला झेंडा फडकवला आहे. भाजपने एकहाती सत्ता काबीज करत बेळगाव महापालिकेवर कमळ फुलवलं आहे. या निवडणुकीमध्ये भाजपने ३६, काँग्रेसनं १०, अपक्ष 8, महाराष्ट्र एकीकरण समिती ४ आणि एम आय एम एक असे उमेदवार विजयी झाले आहेत.
या महापालिका निवडणुकीमध्ये काँग्रेसचा चांगलाच सुपडा साफ झाला आहे. काँग्रेसला अवघ्या १० जागांवर समाधान मानावे लागले आहे. तब्बल ८ वर्षांनंतर झालेल्या या महापालिका निवडणुकीमध्ये राष्ट्रीय पक्ष पहिल्यांदाच चिन्हावर आले आहेत. या निवडणुकीमध्ये मतदानाचा टक्का घसरल्यामुळे निकालात कमालीची उत्सुकता होती. काँग्रेसच्या खात्यात अवघ्या १० जागा आल्या असून काँग्रेसला इतक्यातच समाधान मानावं लागलं आहे.
भाजपला जनतेने स्पष्ट बहुमताचा कौल देत सत्ता सोपवली आहे. महाराष्ट्र एकीकरण समिती भगवा फडवणार अशी संपूर्ण महाराष्ट्राला विश्वास आहे. असं शिवसेनेचे नेते खासदार संजय राऊत म्हणाले होते. मात्र त्यांचा चांगलाच अपेक्षा भंग झाल्याचं स्पष्ट दिसत आहे. या निवडणुकीत धक्कादायक पराभवाचा सामना करावा लागला आहे.
महत्त्वाच्या बातम्या
- ‘ट्विट नको जीआर हवा’ ; मुख्यमंत्र्यांच्या भेटीसाठी राजू शेट्टी मुंबईत दाखल
- संजय राऊतांना अटक करा ; भाजपची मागणी तर राऊत म्हणतात…
- संभाव्य तिसऱ्या लाटेच्या पार्श्वभूमीवर पथदर्शी प्रकल्प म्हणून कोरोनामुक्त वार्ड करा – गोऱ्हे
- ‘मनी हाइस्ट’ ची टोकियो आहे रियल लाईफमध्ये पण बिनधास्त
- वाढीव रक्कम न भरलेल्या शेतकऱ्यांना अक्रियाशील घोषित करुन नये, आ. पवार यांची मागणी
