हातात दगडाऐवजी बॅट-बॉल घ्या- मोहम्मद कैफ

🕒 1 min read

टीम महाराष्ट्र देशा- हातात दगड आणि बंदूक घेण्याऐवजी बॅट-बॉल घेतलं तर परिस्थिती कशी बदलू शकते आणि काश्मिर अजुन किती सुंदर दिसू शकतं याचं उदाहरण मंझुरने दाखवून दिलं असल्याचं सांगत भारताचा माजी खेळाडू मोहम्मद कैफने काश्मिरी युवकांना सन्मार्गावर चालण्याचं भावनिक आव्हान केलं आहे.आयपीएल च्या अकराव्या हंगामात जम्मू-काश्मिरमधून मंझुर दर या खेळाडूला किंग्ज इलेव्हन पंजाब या संघाने २० लाखांची बोली लावत खरेदी केलं आहे .या निवडीवरून मोहम्मद कैफने हे ट्वीट केलं आहे.

मंझुर हा आयपीएलमध्ये खेळणारा दुसरा काश्मिरी युवक ठरला आहे.आपल्या गावात ‘पांडव’ या नावाने प्रसिद्ध असणाऱ्या मंझुर दरने विजय हजारे करंडकात जम्मू-काश्मिरचं प्रतिनिधीत्व केलं आहे. आपल्या धिप्पाड देहयष्टीसाठी ओळखला जाणारा मंझुर हा स्थानिक लोकांमध्ये चांगलाच प्रसिद्ध आहे. क्रिकेटव्यतिरीक्त आपल्या परिवाराचं पालनपोषण करण्यासाठी मंझुर दर सुरक्षारक्षकाचीही नोकरी करतो.

What a wonderful feeling it must be for Manzoor Dar to watch the celebrations.If instead of a gun,the youth pick up a bat,if instead of stones,the youth pick up a ball,the atmosphere in Kashmir will become beautiful.They need to be encouraged to play a sport & govt should support pic.twitter.com/BppeduLPye

— Mohammad Kaif (@MohammadKaif) February 1, 2018

गावातील मंझुर दर या खेळाडूवर किंग्ज इलेव्हन पंजाब या संघाने २० लाखांची बोली लावत खरेदी केलं आहे. २४ वर्षीय दरच्या लिलावासंदर्भातसली माहिती कळल्यानंतर त्याच्या गावातील लोकांनी रस्त्यावर येत नाचत आपला आनंद व्यक्त केला.