मुंबई : शिवसेना, राष्ट्रवादी काँग्रेस आणि काँग्रेस यांच्या ‘महाविकास आघाडी’ला सरकार स्थापनेची संधी मिळून प्रत्यक्ष शपथविधी झाला, तो दिवस होता २८ नोव्हेंबर २०१९. दरम्यान, रविवारी महाविकास आघाडीला दोन वर्षे पूर्ण झाली. त्यानंतर या दोन वर्षपूर्तीच्या निमित्ताने विरोधकांकडून तिखट प्रतिक्रीया उमटत आहेत. याच पार्श्वभूमीवर आता भाजपा नेत्या चित्रा वाघ(Chitra Wagh) यांनीही ट्विट करत महाविकास आघाडी सरकारवर टीकास्त्रांचा वर्षाव केला आहे.
चित्र वाघ आपल्या ट्विटमध्ये म्हणाल्या आहेत की,’२ नंबरी सरकारची २ वर्ष, वसूलीची घाई परबांची मुजोरशाही, मुश्रीफांना टेंडरची मलाई, नवाब मलिक दाऊद का ‘भाई’, निलेश लंकेची गुंडाई, महेबूब शेखची झुंडशाही, संजय राठोडांची लफंगाई, राऊतांची नुसती कोल्हेकुई, मुख्यमंत्र्यांची जनतेप्रती बेपर्वाई, २ नंबरी महाविकास आघाडी सरकारची ही काळी कमाई.’
2 नंबरी सरकारची 2 वर्षं
देशमुखांना वसूलीची घाई
परबांची मुजोरशाहीमुश्रीफांना टेंडरची मलाई
नवाब मलिक दाऊद का ‘भाई’निलेश लंकेची गुंडाई
महेबूब शेखची झुंडशाहीसंजय राठोडांची लफंगाई
राऊतांची नुसती कोल्हेकुईमुख्यमंत्र्यांची जनतेप्रती बेपर्वाई
2 नंबरी #MVA सरकारची
ही काळी कमाई !— Chitra Kishor Wagh (@ChitraKWagh) November 30, 2021
दरम्यान, यापूर्वी भाजप नेते किरीट सोमय्या(Kirit Somaiya) यांनी यासंदर्भात बोलत असतांना या २ वर्षात ठाकरे मंत्रिमंडळातील एकूण १२ मंत्री, नेत्यांवर कारवाई सुरु आहे. महाविकास आघाडी म्हणजे महावसुली सरकार असून हे सरकार आज पर्यंतच्या इतिहासात पहिले सरकार पाहिले आहे की २४ महिन्यात २४ मोठे घोटाळे केले आहेत. अर्धा डझन मंत्री किंवा नेते जेलमध्ये जाणार आहेत. या नेत्यांनी आणि ठाकरे सरकारनं महाराष्ट्राला लुटण्याचे काम केले, असा आरोप केला होता.
महत्त्वाच्या बातम्या:
- महापौर किशोरी पेडणेकरांनी मध्यरात्री अचानक मुंबई विमानतळाला भेट देत केली पाहणी
- १५ दिवसांमध्ये आफ्रिकेतून ४६६ प्रवासी मुंबईत दाखल; १०० प्रवाशांच्या होणार पुन्हा चाचण्या
- ‘…याचा मला पश्चात्ताप आहे’, अजित पवारांसोबतच्या ‘त्या’ शपथविधीविषयी फडणवीसांचे वक्तव्य
- …या साथीची उत्पत्ती भारतात झाल्याचा आम्हाला अभिमान आहे- आनंद महिंद्रा
- ‘…तरी आझाद मैदान सोडणार नाही’, एसटी कर्मचाऱ्यांचा निर्धार
