रायपुर – छत्तीसगडचे मुख्यमंत्री भूपेश बघेल यांचे वडील नंदकुमार बघेल यांना ब्राह्मण समाजाबद्दल वादग्रस्त वक्तव्य करणे चांगलेच महागात पडले आहे. नंदकुमार बघेल यांनी ब्राह्मणांवर बहिष्कार टाकण्यासंबंधी वादग्रस्त वक्तव्य केलं होतं. यानंतर त्यांच्याविरोधात गुन्हा दाखल करण्यात आला होता. आता या प्रकरणात नंदकुमार बघेल यांना पोलिसांनी अटक केली आहे.
रायपूर पोलिसांनी नंदकुमार बघेल यांना अटक केली असून कोर्टात हजर करण्यात आलं. यावेळी त्यांना १५ दिवसांची न्यायालयीन कोठडी सुनावण्यात आली आहे. दरम्यान, अलीकडेच नंदकुमार बघेल यांनी ब्राह्मणांना ‘उपरे’ (बाहेरचे) म्हटलं होतं. ब्राह्मण हे परकीय असल्याचे सांगून त्यांच्यावर बहिष्कार घालण्याचे आवाहन लोकांना केले, तसेच ब्राह्मणांना आपल्या खेडय़ात प्रवेश करू देऊ नका असेही सांगितले. बघेल यांच्या वक्तव्यावर ब्राह्मण समुदायानं आक्षेप घेत रायपूरच्या डीडी नगर पोलीस ठाण्यात गुन्हा दाखल केला आहे.धर्म, वंश इ. आधारावर वेगवेगळ्या समुदायांमध्ये शत्रुत्व निर्माण करणे यांसह इतर आरोपांखाली भादंविच्या विविध कलमांखाली या प्रकरणी गुन्हा नोंदवण्यात आला होता.
He (Chhattisgarh CM Bhupesh Baghel’s father Nand Kumar Baghel) has been sent to judicial custody. He will be presented before the court again on September 21. As per his instructions, I didn't file application for his bail today: Nand Kumar's lawyer Gajendra Sonkar in Raipur pic.twitter.com/SbwHMJ4IdM
— ANI (@ANI) September 7, 2021
दरम्यान वडिलांच्या वक्तव्यावरून वाद निर्माण झाल्यानंतर, अशा शेरेबाजीमुळे आपल्याला दु:ख झाल्याचे मुख्यमंत्री भूपेश बघेल यांनी सांगितले. आपल्या राजवटीत कुणीही कायद्यापेक्षा मोठा नसून, या प्रकरणी पोलीस योग्य ती कारवाई करतील असे ते म्हणाले. “कोणीही कायद्यापेक्षा मोठं नाही, जरी ती व्यक्ती माझे ८६ वर्षीय वडील असले तरी…छत्तीसगड सरकार सर्व धर्म, प्रांत, समाज आणि त्यांच्या भावनांचा आदर करतं. माझ्या वडिलांनी केलेल्या वक्तव्यामुळे सांप्रदायिक शांतता भंग झाली आहे. मलादेखील त्यांच्या वक्तव्यामुळे वाईट वाटत आहे,” असं भूपेश बघेल यांनी म्हटलं आहे.
दरम्यान, यापूर्वीही मुख्यमंत्र्यांच्या वडिलांनी भगवान श्रीरामाविरुद्ध कथितरीत्या अपमानास्पद शेरेबाजी केली होती, असे तक्रारीत म्हटल्याचे एका अधिकाऱ्याने सांगितले होते. उत्तर प्रदेशात एका कार्यक्रमात भाषण करताना नंदकुमार बघेल यांनी ही शेरेबाजी केल्याची माहिती पोलिसांनी दिली होती.
महत्त्वाच्या बातम्या
- वानवडी बलात्कार प्रकरण : गृहविभागाचा राज्यात काडीचाही वचक राहिला नाही; चित्रा वाघ यांची टीका
- केंद्राने महाराष्ट्राला दिलेला इशारा गणेश मंडळांनी पाळला पाहिजे – राजेश टोपे
- अण्णासाहेब पाटील महामंडळाला तातडीने १०० कोटी रुपये द्या; नरेंद्र पाटील यांची मागणी
- ‘पुण्यातील घटनेचा निषेध; संबंधितांना कठोरातील कठोर शिक्षा व्हावी यासाठी राज्यसरकार प्रयत्न करेल’
- ईडीने हस्तक्षेप करणं एका अर्थानं राज्यांच्या अधिकारांवर गदा आणणं; शरद पवारांची टीका
बातम्यांसाठी YouTube चॅनेल Subscribe करा
Subscribe Now
