पुणे: सत्ताधारी पक्षनेते आणि विरोधी पक्षनेत्यांमध्ये आरोप-प्रत्यारोपाची खेळी सुरू असते. आतातर वेदांता-फॉक्सकॉन प्रकल्प गुजरातला गेल्यामुळे राज्यात राजकीय वातावरण चांगलंच तापलं आहे. याच पार्श्वभूमीवर भाजप पक्षाचे प्रदेशाध्यक्ष चंद्रशेखर बावनकुळे यांनी शिवसेना पक्षप्रमुख उद्धव ठाकरे यांच्यावर निशाणा साधला आहे.
काय म्हणाले चंद्रशेखर बावनकुळे ?
वेदांता-फॉक्सकॉन प्रकल्प गमवण्यास उद्धव ठाकरेच जबाबदार आहेत, असं म्हणत चंद्रशेखर बावनकुळे यांनी उद्धव ठाकरे यांच्यावर सडकून टीका केली आहे. काल बावनकुळे यांनी पुण्यामध्ये पत्रकार परिषद घेतली, त्यावेळी ते बोलत होते. महाविकास आघाडीचे सरकार असताना, त्यावेळी मुख्यमंत्री उद्धव ठाकरे हे होते. परंतू ते अठरा महिने मंत्रालयातही गेले नाहीत. त्यांच्या अशा निष्काळजीमुळे वेदांता-फॉक्सकॉन प्रकल्प गुजरातला गेला असल्याचं त्यांनी सांगितले.
आदित्य ठाकरे यांचे हे आंदोलन म्हणजे खोटारडेपणा-
तसेच, काल शिवसेनेने पुण्याच्या वडगावमध्ये शिवसेना नेते आदित्य ठाकरेंच्या नेतृत्वात जनआक्रोश आंदोलन करण्यात आले. परंतू आदित्य ठाकरे यांचे हे आंदोलन म्हणजे खोटारडेपणा असल्याचं म्हणत चंद्रशेखर बावनकुळे यांनी आदित्य ठाकरेंवरही निशाणा साधला आहे.
पुढे बोलताना बावनकुळे म्हणाले की, महावि सरकारच्या काळात वेदांता-फॉक्सकॉन प्रकल्प उभाराण्यासाठी केलेला सामंजस्य करार दाखवा. त्याचबरोबर त्या प्रकल्पाला तळेगावमध्ये नेमका कोणता भूखंड दिला त्याचा त्यांच्या काळातील सरकारचा आदेशही दाखवावा.
महत्वाच्या बातम्या :
- Aditya Thackeray | “खोके सरकारचं लक्ष त्यांच्या गटात कोण येतंय याकडे आहे, मात्र उद्योग…”, आदित्य ठाकरेंचा आक्रोश
- Monica O My Darling | राजकुमार राव आणि हुमा कुरेशी यांची डान्स फ्लोअरला धूम, मोनिका ओ माय डार्लिंगचा टीझर रिलीज
- Chandrashekhar Bawankule | “बारामती मतदार संघात घडी बंद करण्यासाठी आमचे प्रयत्न आहेत”, चंद्रशेखर बावनकुळेंनी स्पष्ट केले इरादे
- Viral Video | लग्नापूर्वी नववधू वर्कआउट करण्यासाठी जिममध्ये पोहोचली, पहा व्हिडिओ
- Music Therapy Benefits : गाणी ऐका आणि निरोगी राहा! होय, संगीतामुळे राहू शकता तुम्ही तंदुरुस्त
