मुंबई : माजी मुख्यमंत्री आणि काँग्रेसचे ज्येष्ठ नेते अशोक चव्हाण त्यांच्या एका वक्तव्यामुळे मोठ्या प्रमाणात चर्चेत आहेत. आता अशोक चव्हाण यांनी शिवसेना आणि एखनाथ शिंदेंबाबत मोठा गौप्यस्फोट केला आहे. २०१४ मध्ये शिवसेनेने काँग्रेस आणि राष्ट्रवादीसोबत येण्याची तयारी दर्शवली होती, असा गौप्यस्फोट अशोक चव्हाण यांनी केला आहे. शिवसेनेतील एकनाथ शिंदेंच्या बंडाच्या पार्श्वभूमीवर अशोक चव्हाण बोलले. यावर आता राजकीय वर्तुळात प्रतिक्रिया येण्यास सुरवात झाली आहे. यावर भाजप प्रदेशाध्यक्ष चंद्रशेखर बावनकुळे यांनी मोठं वक्तव्य केलं आहे.
काय म्हणाले चंद्रशेखर बावनकुळे?
एकनाथ शिंदे यांच्याबाबत अशोक चव्हाण यांनी केलेल्या वक्त्यावर बावनकुळे म्हणाले की, २०१४ मध्ये तर एकनाथ शिंदे शिवसेना चालवत नव्हते. शिवसेना उद्धव ठाकरे चालवत होते. त्यामुळे अशोक चव्हाण शिंदेंचं नाव घेऊन संभ्रम निर्माण करतायत. उलट उद्धव ठाकरेच सरकार स्थापन करण्यासाठी गेले असतील, असं ते म्हणाले तर पुढे चंद्रकांत खैरे यांच्या वक्तव्याचा समाचार घेताना ते म्हणाले कि, चंद्रकांत खैरे हे उद्धव ठाकरे यांचे विश्वासु बनण्याकरिता ते ऍक्टिव्ह झाले आहेत. उद्धव ठाकरेंचे एकदम तारक म्हणूनच ते काम करतायत, असंही ते म्हणालेत.
अशोक चव्हाण नेमकं काय म्हणाले होते ?
२०१४ मध्ये शिवसेनेकडून काँग्रेसला प्रस्ताव आला होता आणि प्रस्तावाबाबत राष्ट्रवादी काँग्रेसचे अध्यक्ष शरद पवार यांच्याशी चर्चा करण्यास त्यावेळी सुचवण्यात आलं होतं. मात्र, विशेष बाब म्हणजे त्यावेळी शिवसेनेच्या शिष्टमंडळात एकनाथ शिंदे देखील होते. त्यावेळी चर्चगेट येथील कार्यालयात शिवसेनेचं शिष्टमंडळ भेटलं होतं, असं अशोक चव्हाण यांनी सांगितलं आहे.
महत्वाच्या बातम्या :
- Uddhav Thackeray | धनुष्यबाण कुणाला मिळेल? उद्धव ठाकरेंचा प्लॅन बी का? जाणून घ्या सविस्तर
- Chhagan Bhujbal | मी कोणाला अपमानकारक बोललो नाही, मी केवळ इतिहास सांगितला – भुजबळांचं ‘त्या’ वक्तव्यावरुन स्पष्टीकरण
- Maruti Car Update | मारुती सुझुकीच्या ‘या’ दोन SUV पुढच्या वर्षी मार्केट मध्ये धुमाकूळ घालण्यास सुसज्ज
- Shivsena । “एकनाथ शिंदे १५ आमदारांसह काँग्रेसमध्ये जाणार होते, पण…”, चव्हाणांनंतर खैरेंचा मोठा दावा
- Health Tips | बदलते हवामान तुमच्या डोकेदुखी चे कारण असेल तर, ‘ हे ‘ घरगुती उपाय नक्की करून बघा
बातम्यांसाठी YouTube चॅनेल Subscribe करा
Subscribe Now
