“चंद्रकांत पाटील यांची भाषा मनुवादी संघाच्या शिकवणीची”, ‘त्या’ वक्तव्यावरून सचिन सावंत यांची टीका

🕒 1 min read

मुंबई: भाजप प्रदेशाध्यक्ष चंद्रकांत पाटील (Chandrakant Patil) यांनी राष्ट्रवादीच्या खासदार सुप्रिया सुळे (Supriya Sule) यांना “तुम्ही राजकारणात कशासाठी राहता, घरी जा आणि स्वयंपाक करा.”, असा खोचक सल्ला दिला आहे. यावरून त्यांच्यावर सर्वच स्तरातून टीका केली जात आहे. आता यावरच काँग्रेस प्रवक्ते सचिन सावंत यांनीही प्रतिक्रिया देत टीका केली आहे.

“चंद्रकांत पाटील यांची भाषा मनुवादी संघाच्या शिकवणीची आहे. स्त्री जीवन ‘चूल आणि मूल’ इतपतच. ‘१० मूले, ४ मुले काढा’उगीच म्हणत नाहीत. तसेच स्त्री संपर्क विषसमान! म्हणूनच संघ कार्यकारिणीत स्त्रीया नाहीत. ‘मसणात जा’ म्हणणे केतकी चितळेच्या धर्तीवर आहे. ही महाराष्ट्राची संस्कृती नाही.”, अशी टीका सचिन सावंत यांनी ट्वीट करत केली आहे.

नेमके काय म्हणाले चंद्रकांत पाटील?

“तुम्ही राजकारणात कशासाठी राहता, घरी जा आणि स्वयंपाक करा. तुम्ही खासदार आहात ना. एका मुख्यमंत्र्यांची भेट कशी घ्यायची हे तुम्हाला कळत नाही. तुम्ही दिल्लीत जा नाहीतर मसणात जा. शोध घ्या आणि आरक्षण द्या.”, असे भाजप प्रदेशाध्यक्ष चंद्रकांत पाटील यांनी म्हटले आहे.

महत्वाच्या बातम्या: 

• छत्रपती संभाजी राजेंना मनसेचा पाठिंबा
• “सूडबुद्धीने आणि सरकारला त्रास देण्यासाठी केंद्रीय तपास यंत्रणांच्या कारवाया सुरू” – संजय राऊत
• “बहुजनांचा इतिहास पुसण्याची ताकद कुणाच्याही मनगटात…”, ‘त्या’ प्रकरणी गोपीचंद पडळकरांचा इशारा
• महाराजांचा सन्मान कसा करायचा आम्हाला शिकवू नका – चंद्रकांत पाटील
• ‘कपड्याची बॅग भरायला घ्या…’, ED च्या कारवाईनंतर किरीट सोमय्यांचा व्हिडीओ!