मुंबई : राष्ट्रवादी काँग्रेसचे सर्वेसर्वा शरद पवार (Sharad Pawar) यांच्यावर केलेले आरोप भाजप आमदार नितेश राणे (Nitesh Rane) आणि माजी खासदार निलेश राणे (Nilesh Rane) यांच्या अंगलट येण्याची चिन्हं दिसून येत आहेत. कारण, यासंदर्भात मुंबईतील मरीन ड्राईव्ह पोलीस ठाण्यात नितेश राणे आणि निलेश राणें विरोधात गुन्हा दाखल करण्यात आला आहे. त्यामुळे राणे राणे कुटुंबीयांच्या अडचणीत भर पडण्याची शक्यता आहे.
पत्रकार परिषदेत बोलत असतांना निलेश राणे यांनी अनिल देशमुख यांचा राजीनामा घेणारे शरद पवार नवाब मलिक यांचा राजीनामा का घेत नाहीत. काही वेगळे राजकारण आहे का? शरद पवारच महाराष्ट्रातील दाऊदचा माणूस असल्याचा संशय मला वाटतो, असे वक्तव्य केले होते. तसेच आझाद मैदानातील मोर्चादरम्यान नितेश राणेंनी देखील शरद पवारांवर टीका केली होती.
दरम्यान, मुंबईतील मरीन ड्राईव्ह पोलीस ठाण्यात निलेश आणि नितेश राणे यांच्याविरुद्ध गुन्हा दाखल करण्यात आला असून राष्ट्रवादी युवक काँग्रेसचे महाराष्ट्राचे कार्याध्यक्ष सुरज व्यंकटराव चव्हाण यांनी यासंदर्भात तक्रार दिली होती. या तक्रारीवरून पोलिसांनी गुन्हा दाखल केला.
महत्वाच्या बातम्या
- “…पण पंजाब राज्यात भाजपचे संपूर्ण पानिपत का झाले?”, संजय राऊतांचा खोचक सवाल
- “सिद्धूसारख्या अस्थिर मनाच्या हाती पक्षाची सूत्रे सोपवून…”, संजय राऊतांचे टीकास्त्र
- मोदींच्या उत्सवात सामील झालेले लोकं सर्व प्रश्न निवडणुकीपुरते विसरून जातात- संजय राऊत
- संजय राऊतांच्या टीकेवर राज ठाकरेंचे प्रत्युत्तर; म्हणाले,“त्यांनी आता एकांतात…”
- ‘3 इडियट्स’च्या ‘सायलेन्सर’ने 13 वर्षात बदलला आपला संपूर्ण लुक
