बुलढाणा : राष्ट्रवादीचे अध्यक्ष शरद पवार यांच्यावर भाजप नेते माजी कृषी मंत्री अनिल बोंडे यांनी टीका केली होती. या टीकेला प्रत्युत्तर बुलढाण्यामधील शिवसेनेचे नेते संजय गायकवाड यांनी दिले आहे.
भाजपचे काही नेते पिसाळलेला कुत्रा चावल्यागत वागत आहेत, असे म्हणत अनिल बोंडे यांना संजय गायकवाड यांनी अप्रत्यक्षपणे टोला लगावला आहे. यासह संजय गायकवाड म्हणाले की, शरद पवार साहेबांची उंची हे कधीच समजू शकत नाहीत शरद पवार यांनी राज्यातील शेतकऱ्यांना उभं करण्याचे काम केले. राज्यातील शेतकऱ्यांच्या शेतीला सिंचनाची जोड दिली. केंद्रीय कृषीमंत्री झाल्यानंतर शेतकऱ्यांचा सातबारा कोरा केला. हे धाडस फक्त शरद पवार करू शकतात.
तसेच शरद पवार अनेक वर्षांपासून राजकारणात आहेत, ते कधीही कोणाला वाईट बोलले नाहीत. त्यांनी कोणाला अपशब्द वापरला नाही. त्यांच्या घरावर अशाप्रकारे हल्ला होणे हे दुर्दैवी आहे. हे आंदोलन पूर्ण नियोजन पद्धतीने करण्यात आले. भाजप राज्यातील सरकार अस्थिर करून पाहत असल्याचा आरोपही संजय गायकवाड यांनी केला आहे.
महत्वाच्या बातम्या –
