शिवसेनेच्या बाणाने भाजप घायाळ, जळगावात सत्ता हिसकावली !

🕒 1 min read

जळगाव : आज (दि. १८ मार्च) रोजी जळगाव महापालिकेच्या महापौर व उपमहापौर पदाची निवडणूक पार पडली आहे. एकूण ७५ नगरसेवकांपैकी ५७ नगरसेवक भाजपचे, १५ नगरसेवक शिवसेनेचे तर ३ एमआयएमचे आहेत. मात्र, जळगाव महापालिकेवर शिवसेनेचा झेंडा फडकावला असून गेल्या आठवड्याभरात मोठं राजकीय नाट्य रंगलं होतं.

जळगाव महापालिकेच्या महापौरपदी शिवसेनेच्या जयश्री महाजन यांची निवड झाली आहे. जयश्री महाजन यांना 45 मत पडली आहेत. तर भाजपच्या उमेदवार प्रतिभा कापसे यांना 30 मतं पडली आहेत. बहुमतासाठी ३८ मतांची गरज शिवसेनेला होती. त्यामुळे अवघे १५ नगरसेवक असूनही तिप्पट बलाढ्य भाजपला शिवसेनेनं आपल्या बाणाने घायाळ केलं आहे.

दरम्यान, भाजपच्या २७ हुन अधिक नगरसेवकांनी बंडखोरी करत शिवसेनेला पाठींबा दिला आहे. दरम्यान, भाजपचे हे नगरसेवक शिवसेनेत प्रवेश करण्याची दाट शक्यता आहे. जळगावातील या पराभवामुळे भाजपचे संकटमोचक माजी मंत्री गिरीश महाराजन यांना मोठा धक्का मानला जात आहे. तर, एकनाथ खडसे यांनी भाजपला रामराम ठोकल्यापासून खान्देशात भाजपला उतरती कळा लागली आहे. तर, महापालिकेतील विजयानंतर शिवसैनिकांनी फटाके फोडून जल्लोष साजरा केला आहे.

महत्वाच्या बातम्या 

• मोटू-पतलूच्या हातात कोंबड्या देऊन युवासेनेचे राणेंच्या विरोधात आंदोलन !
• महाजनांना धक्का : भाजपचे तब्बल 27 फुटल्याने जळगाव महापालिकेत शिवसेनेचा भगवा फडकला
• ‘मातोश्रीपर्यंत जातात असे बडे नेते अडकणार म्हणून सचिन वाझेंच्या जीविताला धोका’
• भारताचा गोलंदाजपटू राहुल शर्माच्या वडिलांचे कोरोनोमुळे निधन
• येत्या वर्षभरात हटवण्यात येणार सर्व टोलनाके; नितीन गडकरींची मोठी घोषणा