मुंबई: देशात सध्या राष्ट्रपती निवडणुकीमुळे राजकीय वातावरणात अनेक हालचाली होताना दिसून येत आहे. येणाऱ्या १८ जुलै रोजी राष्ट्रपतीपदासाठी निवडणूक होणार आहे. त्यापूर्वी पश्मिच बंगालच्या मुख्यमंत्री ममता बॅनर्जी यांनी विरोधकांच्या बैठकीचे आयोजन केले होते. त्यात राष्ट्रवादीचे अध्यक्ष शरद पवार यांनी या पदासाठी इच्छूक नसल्याचे जाहीर केले आहे. आता बिग बॉसमधील आपल्या वादग्रस्त वक्तव्यांनी प्रसिद्ध असलेला अभिजित बिचुकले याने राष्ट्रपती पदासाठी इच्छुक असल्याचे म्हटले आहे.
“मी सध्या पश्चिम बंगाल, उत्तर प्रदेश आणि महाराष्ट्रातल्या आमदार- खासदारांशी सह्यांसंदर्भात संपर्कात असून मी बहुजन समाजातला आहे आणि कायद्याची माहिती असणारा आहे.”, असे अभिजित बिचुकले याने म्हटले आहे.
दरम्यान नेहमीच आपल्या वक्तव्यांनी लक्ष वेधून घेणाऱ्या अभिजित बिचुकले याने यापूर्वीही अशी विधाने केली आहे. यावेळी त्याने थेट राष्ट्रपती पदासाठी इच्छुक असल्याचे म्हटले आहे. दरम्यान देशात सध्या या निवडणुकीमुळे राजकीय वातावरण चांगलेच तापताना दिसून येत आहे.
महत्वाच्या बातम्या:
- IND vs ENG : कॅप्टनला सोडून टीम इंडियाचे क्रिकेटपटू लंडनला पोहोचले; पाहा PHOTO!
- मतदान फिरवण्याची क्षमता असलेले शरद पवार एकमेव नेते- संजय राऊत
- पवार नाहीत, मग कोण?; राष्ट्रपती निवडणूकवरून संजय राऊतांचा सवाल
- फडणवीसांनी शरद पवारांवर केलेल्या ‘त्या’ टीकेला भातखळकरांनी म्हटले, “नागपुरी मिरची म्हणजे…”
- “आधी माझी उधारी द्या…” ; हॉटेलचालकाने सदाभाऊ खोतांना अडवलं!
