🕒 1 min read
मुंबई : आगामी इंग्लंडविरुद्धच्या (IND vs ENG) मालिकेसाठी भारतीय क्रिकेट संघाचे अनेक खेळाडू लंडनला पोहोचले आहेत. यामध्ये माजी कर्णधार विराट कोहली, वेगवान गोलंदाज जसप्रीत बुमराह आणि अष्टपैलू खेळाडू रवींद्र जडेजा यांचा समावेश आहे. मात्र, कर्णधार रोहित शर्मा अद्याप संघासोबत पोहोचू शकलेला नाही. तो आज म्हणजेच शुक्रवारी निघणार आहे.
या भारतीय खेळाडूंमध्ये ऑफ-स्पिनर रवीचंद्रन अश्विन, वेगवान गोलंदाज मोहम्मद शमी आणि मोहम्मद सिराज, शार्दुल ठाकूर, प्रसिध कृष्णा, अनुभवी फलंदाज चेतेश्वर पुजारा, हनुमा विहारी आणि यष्टीरक्षक केएस भरत यांचा समावेश आहे. भारताचा मुख्य प्रशिक्षक राहुल द्रविड रविवारी दक्षिण आफ्रिकेविरुद्धच्या टी-२० मालिकेच्या समाप्तीनंतर इंग्लंडमध्ये भारतीय संघात सामील होईल.
England bound ✈️
???? ????: Snapshots as #TeamIndia takes off for England. ???? ???? pic.twitter.com/Emgehz2hzm
— BCCI (@BCCI) June 16, 2022
रोहित शर्मा गुरुवारी वैयक्तिक कारणांमुळे संघासोबत जाऊ शकला नाही. इनसाइड स्पोर्टच्या वृत्तानुसार, तो आज शुक्रवारी लंडनला जाणाऱ्या विमानात बसणार आहे. भारत १ जुलैपासून एजबॅस्टन येथे कसोटी सामना खेळणार आहे. मागील वर्षी टीम इंडियामध्ये कोरोनाचा शिरकाव झाल्यानंतर हा कसोटी सामना होऊ शकला नव्हता. यानंतर तीन वनडे आणि तीन टी-२० सामनेही खेळवले जातील.
टीम इंडिया इंग्लंड दौऱ्यासाठी सज्ज झाली आहे. इंग्लंडला जाण्यापूर्वी सर्व खेळाडूंची कोविड-१९ साठी चाचणी करण्यात आली होती. लंडनला पोहोचल्यानंतर संघ लीसेस्टरला जाईल.
महत्त्वाच्या बातम्या –
बातम्यांसाठी YouTube चॅनेल Subscribe करा
Subscribe Now
