टीम महाराष्ट्र देशा : पुण्याजवळील प्रसिद्ध मुळशी धरण परिसरात फिरायला गेलेले तीनजण आज सकाळी धरणात बुडल्याची घटना समोर आली आहे. यामध्ये दोन मुली आणि एका मुलाचा समावेश असून ते तिघेही भारती विद्यापीठ येथे एमबीए चे शिक्षण घेत होते. एका मुलीचा मृतदेह काढण्यात पोलिसांना यश आलं आहे.
मिळालेल्या प्राथमिक माहितीनुसार, धरणात बुडालेले तिघेही आपल्या ग्रुपसह मुळशी धरण परिसरात फिरायला गेले होते. त्यानंतर सकाळी ते धरणाच्या पाण्यात पोहण्यास उतरले परंतु त्यांना पाण्याच्या खोलीचा अंदाज न आल्याने ते बुडाले. दरम्यान त्यातील एका तरुणीचा मृतदेह बाहेर काढण्यात आला असून इतर दोन तरुणांचा शोध सुरु आहे.
