🕒 1 min read
मुंबई : केंद्र सरकारच्या इंधन दरवाढीविरोधात प्रदेश काँग्रेसच्या वतीने राज्यभर आंदोलन करण्यात येत आहे. प्रदेश अध्यक्ष नाना पटोले देखील या आंदोलनात सहभागी होत आहेत. मुंबई काँग्रेसच्या वतीने देखील इंधन दरवाढीविरोधात आंदोलन करण्यात आले. या आंदोलनात पेट्रोल आणि डिझेल दरवाढीचा विरोध करण्यासाठी बैलगाडीचा वापर करण्यात आला होता. मात्र, बैलगाडीवर चढणाऱ्या काँग्रेसच्या नेत्यांची संख्या जास्त झाल्याने बैलगाडी तुटली. सुदैवाने या अपघातात कोणालाही ईजा झालेली नाही.
मुंबई काँग्रेसचे अध्यक्ष भाई जगताप या आंदोलनात सहभागी झाले होते. भाई जगपात या बैलगाडीवर उभे राहुन केंद्रातील नरेंद्र मोदी सरकारच्या विरोधात घोषणा देत होते. काँग्रेसचे कार्यकर्ते ‘देश का नेता कैसा हो, राहुल गांधी जैसा हो’ ही घोषणा देत असतांना अचानक बैलगाडी तुटल्याने त्यावरील सर्व नेते खाली कोसळले.
सध्या सोशल मीडियावर हा व्हिडीओ व्हायरल होत आहे. यात भाई जगताप आणि काँग्रेस कार्यकर्ते बालंबाल बचावले आहेत. कोणालाही ईजा झाल्याची माहिती समोर आलेली नाही. मात्र, केंद्र सरकारच्या विरोधात काँग्रेसच्या वतीने करण्यात येत असलेल्या आंदोलनाचे मात्र, चांगलेच हसू झाले आहे.
महत्त्वाच्या बातम्या
- काँग्रेसमध्ये अंतर्गत गटबाजी उफाळली; नितीन राऊतांची पटोलेंविरुद्ध सोनियांकडे तक्रार
- नितीन गडकरींच्या खासदारकीवर पटोलेंचा आक्षेप, याचिकेवर ६ ऑगस्टपासून सुनावणी
- ‘मागण्या मान्य होत नसतील तर राज्यात पुन्हा आंदोलन सुरू करणार’, संभाजीराजेंचा इशारा
- सामना गमावला तरीही चर्चा भारताच्या ‘सुपरवुमन’ हरलीनची
- संजय राठोड लवकरच मंत्रिमंडळात सामील होणार ? शिवसेनेच्या मंत्र्याचं मोठं विधान
