बीड : अखिल भारतीय नाट्य परिषदेच्या बीड शाखेच्या वतीने नियमित आयोजित मासिक संगीत सभेस पुन्हा सुरुवात झाली आहे. बीड येथील बासरी वादक अमर डागा यांनी आपल्या सुश्राव्य बासरी वादनाने उपस्थित रसिक श्रोत्यांना मंत्रमुग्ध केले. नाट्य परिषदेच्या अध्यक्षा डॉ.दीपा क्षीरसागर यांनी यात पुढाकार घेत आता दर महिन्याला मैफिल आयोजित करण्याची घोषणा केली. त्यांच्या आणि ज्येष्ठ रंगकर्मी वासुदेवराव निलंगेकर, महेश वाघमारे, डॉ.संजय पाटील-देवळाणकर, डॉ. उज्वला वनवे यांच्या हस्ते नटराजपूजन करून कार्यक्रमास प्रारंभ करण्यात आला.
बीडच्या नाट्य परिषद शाखेच्या वतीने प्रत्येक महिन्याच्या ११ तारखेला मासिक संगीत-नाट्य-साहित्य सभेचे आयोजन केले जाते. यात स्थानिक कलावंत आपली कला तर साहित्यिक आपले साहित्य सादर करतात. कोरोना काळातील निर्बंधामुळे गेली ११ महिने या चांगल्या उपक्रमाला खंड पडला होता. मात्र, आता मासिक सभा घेत ही परंपरा पूर्ववत सुरू करण्यात आली.
अमर डागा यांनी केदारनाथ चव्हाण यांच्या तबलासाथीत आणि सुधीर देशमुख यांच्या टाळसाथीत बासरीवादन सादर केले. आपल्या बासरी वादनाची सुरवात त्यांनी राग मिश्र काफीने केली.त्यांच्या प्रसन्न करणाऱ्या सुरेल वादनाने प्रारंभीच श्रोत्यांची पकड घेतली आणि त्यानंतर मग गायकी अंगातील बासरी वादनाने त्यांनी विविध रागातील रसिकप्रिय गाणी बसरीवर सादर करीत श्रोत्यांच्या टाळ्या घेतल्या. कार्यक्रमात कोविड नियमांचे पालन करून श्रोते मोठ्या संख्येने उपस्थित होते.
कलावंतांसाठी मोफत सभागृह उपलब्ध
कला, संस्कृतीचा वारसा जोपासला जावा, यासाठी बीडमधील स्थानिक कलावंत, सांस्कृतिक कार्यक्रमाचे आयोजन करू इच्छिणाऱ्यासाठी केएसके महाविद्यालयाचे अत्याधुनिक सभागृह मोफत उपलब्ध करून देण्यात येईल. या सुविधेचा बीड शहरातील कलावंतांनी अधिकाधिक कार्यक्रम आयोजित करून लाभ घ्यावा, असे आवाहन नाट्य परिषदेच्या बीडच्या अध्यक्षा तथा प्राचार्य डॉ.दीपा क्षीरसागर यांनी केले.
महत्त्वाच्या बातम्या
- ‘ख्रिश्चन, मुस्लीम धर्मात धर्मांतरण करणाऱ्या व्यक्तीला आरक्षणाचा लाभ मिळणार नाही’
- नवनियुक्त सरपंच, उपसरपंच, ग्रामपंचायत सदस्यांना मिळणार ग्राम विकासाचे प्रशिक्षण
- थेट मंत्री संजय राठोड यांचं नाव जोडणे योग्य नाही – एकनाथ शिंदे
- लातुर जिल्हा महाराष्ट्र केसरी साठी सज्ज; ४५ मल्ल निवड चाचणीला हजर
- पूजा चव्हाण प्रकरणात कोणत्याही नेत्याचं नाव नाही, भाजप नेत्यांना खोटं बोलण्याची सवय – मलिक
