औरंगाबाद : शहरातील विना मास्क फिरणाऱ्या नागरिकांवर कारवायांचे सत्र सुरूच आहे. यासोबतच रस्त्यावर थुंकणे, कचरा टाकणे, बायोवेस्ट, प्लास्टिक बाळगणाऱ्यांविरोधात देखील दंड आकारणे सुरू आहे. याच पार्श्वभूमीवर सध्या महानगरपालिकेच्या नागरी मित्र पथकाद्वारे प्रतिबंधित प्लास्टिक वापरणाऱ्यां विरोधात जोरदार कारवाई सुरू आहे. महापालिकेने मोठ्या प्रमाणावर प्लास्टिक जप्त केले. संबंधितांवर गुन्हे दाखल करण्यात आले आहेत.
नागरी मित्र पथकाचे कर्मचारी चिकलठाणा एमआयडीसी दरम्यान पेट्रोलिंग करत होते. यावेळी पथकास हरिशंकर ब्रिजमोहन शर्मा यांच्याकडे प्रतिबंधित प्लास्टिक आढळून आले. असलेल्या मालाबद्दल चौकशी केल्यानंतर मला काहीही माहित नाही अशी उडवाउडवीची उत्तरे दिली. तसेच पथकातील कर्मचाऱ्यांना अरेरावीची भाषा वापरून तुम्हाला काय करायचे ते करा असे सांगितले. पथक प्रमुखांनी समजावून दंड भरण्यास सांगितले. तरीही संबधित ऐकण्यास तयार नव्हते.
दरम्यान, हरिशंकर ब्रिज मोहन शर्मा यांच्याकडील मुद्देमाल जप्त करून त्यांच्यावर सिडको एमआयडीसी पोलीस ठाण्यात गुन्हा दाखल करण्यात आला आहे. मानवी आरोग्यासाठी व जनावरांसाठी घातक असलेल्या ५० मायक्रो एमएम पेक्षा कमी जाडीच्या प्लॅस्टिक पिशव्या शासनाने बंदी असताना स्वतःच्या फायद्यासाठी विक्री करण्याच्या उद्देशाने दिसून आल्याने गुन्हा दाखल करण्यात आला आहे.
महत्त्वाच्या बातम्या
- शिवसेनेचं ‘शिवसंपर्क अभियान’ चालू शकतं तर मग शिवभक्तांच्या शिवजयंतीवरच निर्बंध का ?
- ‘काँग्रेसचा खोटारडेपणा असाच सुरु राहिला तर काँग्रेस इतिहासजमा व्हायला वेळ लागणार नाही’
- संजय राठोडांनी राजीनामा दिला ही माहिती चुकीची; संजय राऊत यांचं स्पष्टीकरण
- भविष्यात शिवसेना देशाचं नेतृत्व करेल; उद्धव ठाकरेंनी व्यक्त केला विश्वास
- आगामी निवडणुकांबाबत महाविकास आघाडीचं ठरण्याआधीच भाजप-रिपाइंचं ठरलं ?
