“ज्यांना आयुष्यात कधीही विधानसभा आणि संसद माहीत नव्हती त्यांना बाळासाहेबांनी…”, शरद पवारांचे मोठे विधान

🕒 1 min read

मुंबई: राष्ट्रवादीचे अध्यक्ष शरद पवार (sharad pawar) यांनी काल (१८ मे) मुंबई विद्यापीठाच्या दीक्षांत सभागृहात शिवसेनाप्रमुख स्व. बाळासाहेब ठाकरे यांच्या जीवनावर आधारित छायाचित्रांच्या प्रदर्शनास भेट दिली. बाळासाहेबांच्या व्यक्तिमत्वाचे विविध पैलू उलगडणाऱ्या छायाचित्रांमधून त्यांच्या आठवणींना यावेळी शरद पवारांनी उजाळा दिला.

विद्यार्थीदशेच्या काळानंतर अनेक वर्षानंतर मला या वास्तूत यायची संधी मिळाली. मुंबईतील काही वास्तू जगप्रसिद्ध आहेत. त्या जगप्रसिद्ध वास्तूंमध्ये मुंबई विद्यापीठाची ही वास्तू अत्यंत महत्त्वाची आहे. बाळासाहेब ठाकरे यांच्या छायाचित्रांचे प्रदर्शन तसेच त्यांच्या नावाने काही अभ्यासक्रमही इथे सुरू करण्यात आले. बाळासाहेब ठाकरे हे एक अलौकिक व्यक्तिमत्व होतं. आमचे त्यांच्याशी अतिशय घनिष्ट संबंध होते, तसेच आमच्यात संघर्षही होता. असे शरद पवार यांनी म्हटले आहे.

बाळासाहेबांचं एक वैशिष्ट्य होतं. त्यांनी महाराष्ट्राच्या प्रत्येक जिल्ह्यात एक नवनेतृत्व तयार केलं. या नेतृत्वातील बहुसंख्य नेते हे सामान्य घरातील होते. ज्यांना आयुष्यात कधीही विधानसभा आणि संसद माहीत नव्हती त्या लोकांना बाळासाहेबांनी मोठमोठ्या पदांवर बसवलं. pic.twitter.com/yALSqvYrkJ

— Sharad Pawar (@PawarSpeaks) May 18, 2022

मला आठवतंय, मी पूर्वी खेडगल्ली, दादर येथे राहायला होतो. त्याच काळात नुकतीच शिवसेनेची स्थापना बाळासाहेबांनी केली होती. ज्यावेळेस राजकारणात माझ्या खांद्यावर काही महत्त्वाच्या जबाबदाऱ्या आल्या आणि मी माझ्या कामाला सुरुवात केली, त्याचवेळेस शिवसेनेचा महाराष्ट्रभर प्रसार होत होता. आम्ही दोघांनीही भाषणांमधून एकमेकांवर खूप टीका केली. त्याकाळात आम्ही दिवसभर कुठेही असलो तरी संध्याकाळी एकत्र असायचो. मीनाताई आमच्या आवडीचं जेवण बनवायच्या, तासन् तास आमच्या गप्पा चालायच्या, काही महत्त्वाच्या प्रश्नांवर चर्चा व्हायची. अशी आठवण त्यांनी सांगितली.

तसेच बाळासाहेबांचं एक वैशिष्ट्य होतं. त्यांनी महाराष्ट्राच्या प्रत्येक जिल्ह्यात एक नवनेतृत्व तयार केलं. या नेतृत्वातील बहुसंख्य नेते हे सामान्य घरातील होते. ज्यांना आयुष्यात कधीही विधानसभा आणि संसद माहीत नव्हती त्या लोकांना बाळासाहेबांनी मोठमोठ्या पदांवर बसवलं. त्यामुळे अशा या मोठ्या व्यक्तीचं आज या ठिकाणी छायाचित्र प्रदर्शन आयोजित करण्यात आलं. अत्यंत देखणं असं हे प्रदर्शन आहे. बाळासाहेब स्वत:ही एक कलाकार आणि व्यंगचित्रकार होते. त्यांच्या व्यंगचित्रांना एक प्रकारची धार असायची. त्या धारेचा विरोधकांवर जो काही परिणाम व्हायचा त्याची किंमत मलासुद्धा कधीकधी मोजावी लागली. असे शरद पवार यांनी म्हटले.

महत्वाच्या बातम्या: 

• जितेंद्र नवलानी प्रकरणाची स्थिती काय आहे?; किरीट सोमय्यांचा ठाकरे सरकारला सवाल
• IPL 2022 KKR vs LSG : झुंजार कोलकाताची ‘एक्झिट’..! लखनऊनं ‘थ्रिलर’ मॅचमध्ये मारली बाजी; प्लेऑफमध्ये केला प्रवेश!
• IPL 2022 KKR vs LSG : धागा खोल दिया..! डी कॉक-राहुलची ‘विक्रमी’ द्विशतकी भागीदारी; कोलकाताला २११ धावांचं आव्हान!
• “अजितदादा तुमचा होमवर्क वाढवा, बामणी कावा ओळखा” ; माजी पोलीस अधिकाऱ्याची खोचक पोस्ट
• अजिंक्य राऊतचं इंस्टाग्राम झालं हॅक! नेमक काय कारण असेल?