औरंगाबाद : कोरोना संकटामुळे बंद असलेली असलेली इंडिगो सेवा पुन्हा एकदा सुरु करण्याचा निर्णय घेण्यात आला आहे. इंडिगोकडून दिल्ली साठी विमान सुरू झाली आहे. दिल्ली-औरंगाबाद -दिल्ली हे विमान सोमवारी (दि.५) सुरू करण्यात आले. या विमानाने दिल्लीहून शंभराच्यावर प्रवासी उतरले. औरंगाबाद विमानतळावर पुन्हा एकदा विमानांची लगबग सुरू होण्याचे संकेत मिळाले आहेत. आजपासून हैदराबादसाठीही विमानसेवा सुरू होत आहे.
इंडिगो विमान कंपनीने दिल्ली-औरंगाबाद -दिल्ली हे विमान सुरू करण्याची घोषणा केली होती. औरंगाबाद विमानतळावर दिल्लीहून साधारणतः दुपारी एक वाजेच्या दरम्यान विमान पोहोचले. या विमानातून औरंगाबादला ११२ विमान प्रवासी उतरले. तर दिल्लीकडे जाणाऱ्या या पहिल्या विमानाने औरंगाबादहुन २१ प्रवासी निघाले. औरंगाबाद दिल्ली ही विमानसेवा सुरू झाल्याने औरंगाबादच्या प्रवाशांचा चांगलाच दिलासा मिळाला आहे. यापूर्वी औरंगाबाद विमानतळावरून मुंबई औरंगाबाद दिल्ली असे एअर इंडियाच्या विमानातून प्रवास करणाऱ्या प्रवाशांना जास्त प्रवास भाडे द्यावे लागत होते.
तर इंडिगो विमान दिल्लीसाठी सुरू करण्यात आले होते. त्यामुळे सध्या साडेचार ते पाच हजार रुपयांमध्ये औरंगाबाद ते दिल्ली असा प्रवास होणार आहे.दिल्ली-औरंगाबाद-दिल्ली हे विमान आठवड्यातील तीन दिवस चालवण्यात येणार आहे. सोमवार बुधवार आणि शुक्रवार हे विमान दिल्लीकडे उड्डाण करणार असल्याची माहिती औरंगाबाद विमानतळ प्राधिकरणाकडून देण्यात आली. इंडिगो एअरलाइन्स कंपनीने दिल्ली औरंगाबाद दिल्ली पाठोपाठ हैदराबाद- औरंगाबाद -हैदराबाद हे विमान हे सुरू करण्याचा निर्णय घेतला आहे. ६ जुलैला आजपासून हे विमान सुरू करण्यात येणार आहेत.
महत्त्वाच्या बातम्या
- ‘मुख्यमंत्र्यांच्या वन खात्यात बदल्यांसाठी रेट कार्ड’ ; फडणवीसांचा गंभीर आरोप
- ‘आर्यन मॅनने मॅसेजची दखल न घेतल्याने नाराज होते’ तापसी पन्नू
- ‘माझ्यावर आरोप म्हणजे राज्य सरकारवर आरोप, मला क्लीनचिट द्या’; सरनाईकांची मागणी
- टी-20 विश्‍वकरंडक स्पर्धेमध्ये स्थान मिळवण्यासाठी लक्ष्मणने दिला शिखरला मोलाचा सल्ला
- ‘विराट आणि रवी शास्त्री यांनी खेळाडूंच्या पाठिशी उभं राहायला हवं’ ; कपिल देव यांची टीका
