या बोटाची थुंकी त्या बोटावर फिरवण्यात शिवसेनेचा हात कोण धरेल; भाजप नेत्याची बोचरी टीका

🕒 1 min read

मुंबई : राज्याचे सामाजिक व न्यायमंत्री धनंजय मुंडे यांच्याविरोधात एका महिलेने तक्रार दिली आहे. या प्रकरणी धनंजय मुंडे यांच्या पोलीस कारवाई झालेली नाही आणि पक्षांतर्गत कारवाई पासून देखील मुंडे वाचले आहेत. यावर विरोधक राष्ट्रवादी कॉंग्रेस सोबत महाविकास आघाडीलाही टार्गेट करत आहेत. धनंजय मुंडे यांनी राजीनामा न दिल्यामुळे भाजपकडून आंदोलने देखील करण्यात आली आहेत.

भाजप आमदार अतुल भातखळकर यांनी धनंजय मुंडे प्रकरणावरुन शिवसेनेवर सडकून टीका केली आहे.  शिवसेना म्हणजे दुतोंडी गांडूळ असल्याचा आरोप त्यांनी केला आहे. भातखळकर यांनी धनंजय मुंडे प्रकरण आणि भाजपचे माजी राज्यसभा खासदार एम. जे. अकबर यांच्यावरील लैंगिक अत्याचाराचे आरोप यांची तुलना केली आहे. शिवसेना अकबर यांच्या प्रकरणावर वेगळी भूमिका घेते आणि मुंडे प्रकरणावर वेगळी भूमिका घेते, असा आरोप देखील केला आहे.

‘शिवसेना म्हणजे दुतोंडी गांडूळ आहे. एम.जे.अकबर यांच्यावर आरोप झाले, तेव्हा बोंबाबोंब करणाऱ्या शिवसेनेचे नेते धनंजय मुंडेंसाठी जोरदार बॅटिंग करतायत. या बोटाची थुंकी त्या बोटावर फिरवण्यात शिवसेनेचा हात कोण धरेल’ असे ट्वीट करत अतुल भातखळकर यांनी शिवसेनेवर बोचरी टीका केली आहे.

शिवसेना म्हणजे दुतोंडी गांडूळ…
एम.जे.अकबर यांच्यावर आरोप झाले तेव्हा बोंबाबोंब करणाऱ्या शिवसेनेचे नेते धनंजय मुंडेंसाठी जोरदार बॅटिंग करतायत. या बोटाची थुंकी त्या बोटावर फिरवण्यात शिवसेनेचा हात कोण धरेल??? pic.twitter.com/WUYL1B8upn

— Atul Bhatkhalkar (@BhatkhalkarA) January 20, 2021

महत्वाच्या बातम्या

• ‘ठाकरे शेतकरी आंदोलनाचं सोडा आधी किमान १० हजार तरी शेतकऱ्यांना द्या !’
• मनपा निवडणूकीत ‘शिवसेना’ सत्ता काबीज करणारच : आ.दानवे
• ‘ठाकरे शेतकरी आंदोलनाचं सोडा आधी किमान १० हजार तरी शेतकऱ्यांना द्या !’
• सलाम : दुर्घटनेत पत्नी गमावली, स्वतः जबर जखमी झाले मात्र रुग्णालयातही श्रीपाद नाईक ‘ऑन ड्युटी’
• ‘पिंजऱ्याच्या बाहेर आल्यावर लोक मुख्यमंत्री कसा आहे हे तरी किमान पाहतील’