“उद्धव ठाकरेंचे पुन्हा ‘सूड दुर्गे सूड’…”, दिशा सालियन प्रकरणावरून भातखळकरांचे टीकास्त्र

🕒 1 min read

मुंबई : केंद्रीय मंत्री नारायण राणे (Narayan Rane) तथा त्यांचे पुत्र नितेश राणे (Nitesh Rane) यांच्यावर दिशा सालियन बदनामी प्रकरणी (Disha Salian defamation case) गुन्हा दाखल करण्यात आला आहे. सालियन कुटुंबीयांच्या तक्रारीवरून राणे पितापुत्रांवर मालवणी पोलीस ठाण्यात हा गुन्हा दाखल झाला आहे. अभिनेता सुशांतसिंह राजपूतची मॅनेजर म्हणून काम पाहिलेल्या दिशा सालियनचा मृत्यू होऊन आता जवळपास दोन वर्ष उलटली असून नारायण राणे यांनी मागील आठवड्यात मुंबईत घेतलेल्या पत्रकार परिषदेत दिशाच्या मृत्यूसंदर्भात गंभीर दावे केले होते. त्यानंतर आता गुन्हा दाखल करण्यात आला आहे. दरम्यान, याच मुद्द्यावरून आता भाजप नेते अतुल भातखळकर (Atul Bhatkhalkar) यांनी मुख्यमंत्री उद्धव ठाकरेंवर निशाणा साधत टीकास्त्रांचा वर्षाव केला आहे.

यासंदर्भात अतुल भातखळकर यांनी ट्विट केले असून ट्विटमध्ये ते म्हणाले आहेत की,‘उद्धव ठाकरे यांचे पुन्हा ‘सूड दुर्गे सूड’…दिशा सालीयन प्रकरणाला वाचा फोडल्याबद्दल केंद्रीय मंत्री नारायण राणे आणि आमदार नितेश राणे यांच्याविरोधात FIR. खुनशी ठाकरे सरकारचा निषेध’, असे भातखळकर म्हणाले आहेत.

उद्धव ठाकरे यांचे पुन्हा 'सूड दुर्गे सूड'…
दिशा सालीयन प्रकरणाला वाचा फोडल्याबद्दल केंद्रीय मंत्री @MeNarayanRane आणि आमदार @NiteshNRane यांच्याविरोधात FIR. खुनशी ठाकरे सरकारचा निषेध…

— Atul Bhatkhalkar (@BhatkhalkarA) February 27, 2022

दरम्यान, दिशा सालियनवर लैंगिक अत्याचार करून हत्या झाली तसेच ती गरोदरही होती, असा दावा नारायण राणे यांनी केला होता. त्यावर सालियन कुटुंबीयांनी आक्षेप घेत आमच्या मुलीची बदनामी थांबवा असं आवाहन केलं होतं. तसेच या प्रकरणी सालियन कुटुंबीयांनी राज्य महिला आयोगाकडेही दाद मागितली होती.

महत्वाच्या बातम्या : 

• दिशा सालियन प्रकरणी पोलिसांचा महिला आयोगाकडे अहवाल सादर; रुपाली चाकणकरांनी दिले ‘हे’ निर्देश
• Maratha Reservation : मराठा आरक्षणा संदर्भात संभाजी राजेंच्या उपोषणास अभिजीत बिचुकलेंची भेट
• “मी या देशाचा पंतप्रधान बनून दाखवतो”, अभिजित बिचुकलेंचे मोठे वक्तव्य
• महाराष्ट्र नवनिर्माण विद्यार्थी सेनेच्या अध्यक्षपदी अमित ठाकरेंची नियुक्ती
• भाजप नेत्यांना मराठा आंदोलनात जाताना लाज कशी वाटत नाही?- सचिन सावंत