मुंबई : माजी नौदल अधिकारी मदन शर्मा यांना शिवसैनिकांनी शारिरीक इजा केल्याची धक्का दायक घटना उघडकीस आली आहे. यानंतर अधिकाऱ्याला शारिरीक इजा करणाऱ्या शिवसैनिकांना अटक करण्यात आली होती. यामध्ये शिवसेना शाखाप्रमुख कमलेश कदम याच्यासह 6 जणांचा समावेश आहे.या शिवसैनिकांना जामीन मिळाल्याचे वृत्त आता समोर येत आहे.
यानंतर आता भाजप या मुद्द्यावरून आक्रमक झालेली पाहायला मिळत आहे. शिवसैनिकांवर योग्य गुन्हे दाखल न केल्याने त्यांना जामीन मंजूर झाला असून ते आता मोकाट फिरत असल्याचा आरोप विधान परिषदेचे विरोधी पक्षनेते प्रवीण दरेकर यांनी लावला. तर, आरोपींवर कडक कारवाई होत नाही तोपर्यंत पोलीस सहआयुक्त कार्यालयाबाहेर आंदोलन करण्याची भूमिका भाजपने घेतली आहे. यानंतर पोलीस सहआयुक्त विश्वास नांगरे पाटील यांनी आंदोलकांशी चर्चा करून योग्य ती कारवाई करू असे आश्वासन दिले आहे.
कंदिवली पूर्वचे भाजप आमदार अतुल भातखळकर यांनी शिवसेनेवर निशाणा साधला आहे. त्यांनी आंदोलनाचे काही फोटो ट्विटरवर शेअर करत हल्ला करणाऱ्या शिवसैनिकांना चिल्लर, भुरटे संबोधत टीका केली आहे. ” महिला आणि वृद्धाना ताकद दाखवणारे चिल्लर भुरटे आणि त्यांच्या सुत्रधारांसमोर झुकणार नाही, पळणार नाही, आम्ही लढणार, आम्ही जिंकणार…” अशी भूमिका त्यांनी मांडली आहे.
महिला आणि वृद्धाना ताकद दाखवणारे चिल्लर भुरटे आणि त्यांच्या सुत्रधारांसमोर
झुकणार नाही,
पळणार नाही,
आम्ही लढणार, आम्ही जिंकणार… pic.twitter.com/HJ6GO4Xuti— Atul Bhatkhalkar (@BhatkhalkarA) September 12, 2020
महत्वाच्या बातम्या:-
- शिवसेना बाळासाहेबांचा अजून किती अपमान करणार आहे; माजी नौदल सैनिकाला मारहाण प्रकरणी श्रीकांत भारतीय यांनी दर्शविला तीव्र आक्षेप
- रुग्णालयातील बेड्सच्या व्यवस्थापनाची जबाबदारी ‘याच’ अधिकाऱ्यांची, पालकमंत्र्यांचे स्पष्ट
- शिवसैनिकांना जामीन मिळाल्यानंतर भाजपच आंदोलन!
- मुंडे साहेब गेल्यानंतर उसतोड कामगारांच्या कोयत्याला धार कोणाची ?
- घरकाम करणाऱ्यांची अन वेटरची टेस्ट मालकांनी करावी, आदेश काढण्याची माजी केंद्रीय मंत्र्यांची मागणी
