मुंबई: महाराष्ट्रात सध्या मंत्री नवाब मलिक अटक प्रकरण, ओबीसी आरक्षण, मविआ नेत्यांवर होणाऱ्या ईडी कारवाया यामुळे राजकीय वातावरण चांगलेच तापले आहे. आता हे प्रश्न सत्ताधारी विरुद्ध विरोधी पक्ष असे झाले आहेत. सध्या अर्थसंकल्पीय अधिवेशन सुरु आहे. मात्र पहिलाच दिवस घोषणा, आरोप-प्रत्यारोपांनी गाजला. त्यातच आता भाजप नेते अतुल भातखळकर(Atul Bhatkhalkar) यांनी खोचक व्यंगचित्र ट्वीट करत राष्ट्रवादीचे अध्यक्ष शरद पवार,(Sharad Pawar) मुख्यमंत्री उद्धव ठाकरे ( Uddhav Thackeray) तसेच काँग्रेस प्रदेशाध्यक्ष नाना पटोले (Nana Patole) यांच्यावर निशाणा साधला आहे.
दरम्यान या व्यंगचित्रामध्ये ‘सर नही झुकाएंगे’ म्हणत ED समोर शरद पवार, उद्धव ठाकरे आणि नाना पटोले मान उंचाऊन उभे आहेत. तर ‘सर नही उठाएंगे’ म्हणत कुख्यात डॉन दाऊद इब्राहीमसमोर हे तिन्ही नेते झुकताना दाखवले आहे.
औकात… pic.twitter.com/kVx6tHR3M2
— Atul Bhatkhalkar (@BhatkhalkarA) March 5, 2022
राज्याचे अल्पसंख्याक मंत्री नवाब मलिक यांनी दाऊद आणि हसीना पारकर यांच्यासोबत व्यवहार केल्याचा आरोप ठेवण्यात आला आहे. त्यांना सध्या ईडी कोठडी सुनावण्यात आली आहे. मात्र अजूनही त्यांचा मंत्रीपदाचा राजीनामा घेतला नाहीये. यावरूनच भाजपने मुंबईच्या खुन्यांशी व्यवहार करणाऱ्या मंत्र्यामागे संपूर्ण महाविकास आघाडी सरकार उभे असल्याचा आरोप केला आहे. तसेच सत्ता जाण्याच्या भीतीने उद्धव ठाकरे त्यांचा राजीनामा घेत नसल्याचेही भाजपने म्हटले आहे. त्यामुळे कुठेतरी शिवसेना दोन्ही काँग्रेसच्या मध्ये फसली असल्याचे आता म्हटले जात आहे.
महत्वाच्या बातम्या :
- Russia-Ukraine war : “…तर युरोप सुध्दा टिकणार नाही”, झेलेन्स्की यांचा धक्कादायक दावा
- IND vs SL: पहिल्या सामन्यात असे काय झाले कि ऋषभ पंत रडकुंडीला आला ; व्हिडीओ होतोय व्हायरल
- नवाब मलिकांच्या अडचणीत वाढ; जाणून घ्या काय आहे कारण
- Disha Salian Case : “खेळ तुम्ही सुरु केला पण…”, नितेश राणेंचा ट्वीट करत इशारा
- OBC Reservation : प्रभाग रचनेसह सर्व प्रक्रिया स्वत:कडे घेण्याचा मंत्रिमंडळाचा निर्णय
