मुंबई : मागील काही दिवसांपासून महावितरण तोट्यात असून नगरविकास आणि ग्रामविकास खात्याकडे तब्बल ८ हजार कोटींची थकबाकी थकली आहे. याच पार्श्वभूमीवर आता राज्य अंधारात गेलं तर फक्त काँग्रेस जबाबदार राहणार नाही, तर संपूर्ण महाविकास आघाडी जबाबदार राहिल, असे वक्तव्य राज्याचे ऊर्जा मंत्री नितीन राऊत(Nitin Raut) यांनी केले आहे. दरम्यान, याच मुद्द्यावरून आता भाजप नेते अतुल भातखळकर(Atul Bhatkhalkar) यांनी महाविकास आघाडी सरकारवर निशाणा साधत टीकास्त्रांचा वर्षाव केला आहे.
यासंदर्भात भातखळकरांनी ट्विट केले असून ट्विटमध्ये ते म्हणाले आहेत की,’शिवसेना, राष्ट्रवादीच्या खात्यांकडे ८ हजार कोटी थकले असून तेच महावितरणच्या संकटाचं कारण असल्याचे उघड करत नितीन राऊतांनी आघाडीलाच शॉक दिला आहे. कुंपणानेच शेत खाण्याचा हा प्रकार आहे. त्याची शिक्षा मात्र गोरगरीब जनतेला आणि शेतकऱ्यांना वीज कापून दिली जातेय’, असे भातखळकर म्हणाले आहेत.
शिवसेना, राष्ट्रवादीच्या खात्यांकडे ८ हजार कोटी थकले असून तेच महावितरणच्या संकटाचं कारण असल्याचे उघड करत नितीन राऊतांनी आघाडीलाच शॉक दिला आहे.
कुंपणानेच शेत खाण्याचा हा प्रकार आहे. त्याची शिक्षा मात्र गोरगरीब जनतेला आणि शेतकऱ्यांना वीज कापून दिली जातेय. pic.twitter.com/4Kr42eocag— Atul Bhatkhalkar (@BhatkhalkarA) January 24, 2022
दरम्यान, याविषयी प्रसार माध्यमांशी संवाद साधत असतांना नितीन राऊत म्हणाले की,’राज्यात महावितरणची स्थिती अत्यंत वाईट असून राज्य सरकारच्या नगरविकास, ग्रामविकास खात्याकडे बाकी असेलेली थकबाकी त्यांनी महावितरणला दिलेली नाही, त्यामुळे महावितरण संकटात आहेत. राज्य अंधारात गेलं तर फक्त काँग्रेस जबाबदार राहणार नाही, तर संपूर्ण महाविकास आघाडी जबाबदार राहिल, त्यामुळे राज्य सरकारने महावितरणला निधी द्यावा’,असे राऊत म्हणाले आहेत.
महत्त्वाच्या बातम्या
-
“मुख्यमंत्री ठाकरे काल जनतेसमोर आले अन् विरोधकांचे धाबे दणाणले”
-
“शिवसेना जन्माला येण्यापूर्वीच मुंबईत आमचे…”, ठाकरेंच्या वक्तव्यावर फडणवीसांचे टीकास्त्र
-
“देशात एकच मोदी नाहीत, निरव मोदी, ललित मोदीही आहेत, ‘त्या’ घटनेवरून नाना पटोले संतापले
-
वामिकाचे फोटो व्हायरल होताच विराटने दिली पहिली प्रतिक्रिया; म्हणाला..
