नांदेड- सार्वजनिक बांधकाम मंत्री अशोक चव्हाण यांनी कोरोनाच्या पार्श्वभूमीवर मोठा निर्णय घेतला आहे. चव्हाण यांनी माध्यमांना दिलेल्या माहितीनुसार,सध्या संपूर्ण जगावर असलेले कोरोना विषाणूचे संकट तसेच नुकत्याच झालेल्या अतिवृष्टीमुळे मी यंदाचा वाढदिवस साजरा न करण्याचा निर्णय घेतला आहे असं त्यांनी म्हटलं आहे.
चव्हाण म्हणाले, यंदाच्या वाढदिवशी २८ ऑक्टोबरला मी मुंबई, नांदेड किंवा इतरत्र कोणत्याही कार्यक्रमाला उपस्थित राहणार नसून, शुभेच्छांसाठी येणारे हार-तुरे देखील स्वीकारणार नाही. सर्वांच्या सदिच्छा व सहकार्य नेहमीच माझ्या पाठीशी राहिले आहे आणि यापुढेही ते कायम असेल. ते व्यक्त करण्यासाठी वाढदिवसाचे औचित्य अनिवार्य नाही.
चव्हाण म्हणाले, यंदाची अपवादात्मक परिस्थिती पाहता वाढदिवसाच्या शुभेच्छा देण्यासाठी कोणीही प्रत्यक्ष भेटीची तसदी घेऊ नये, ही आग्रहाची विनंती. सर्व शुभचिंतक व चाहते माझी भावना समजून घेतील, याचा मला विश्वास आहे. चव्हाण यांच्या या निर्णयाचे सर्वत्र कौतुक होताना दिसत आहे.
महत्वाच्या बातम्या-
- बिहार विधानसभा निवडणुकीसाठीचा प्रचार शिगेला पोहोचला,प्रचारसभा घेण्याचा धडाका सुरूच
- भाजप निवडणूक हरली तरी लोकांना लस मोफतच मिळणार – नवाब मलिक
- भाजप निवडणूक हरली तरी लोकांना लस मोफतच मिळणार – नवाब मलिक
- शिवसेना आमदाराचा राष्ट्रवादीच्या खासदाराविरोधात विरोधात हक्कभंग प्रस्ताव
- पक्षात येवून कष्ट करण्याची भूमिका नाथाभाऊंनी व्यक्त केलीय – शरद पवार
