मुंबई : भाजपनेते आशिष शेलार यांनी राष्ट्रवादी काँग्रेसचे अध्यक्ष शरद पवार यांच्याविरुद्ध दंड थोपटले आहेत. आशिष शेलार यांनी एमसीए (मुंबई क्रिकेट असोसिएशन) निवडणुकीसाठी अर्ज दाखल केला आहे. त्यामुळे शरद पवार गट विरुद्ध आशिष शेलार अशी लढत रंगणार आहे. शरद पवार गटाकडून भारताचे माजी क्रिकेटपटू संदिप पाटील अध्यक्षपदासाठी निवडणुकीच्या रिंगणात उतरले आहेत. २० ऑक्टोबरला MCA ची निवडणूक होणार आहे.
शरद पवार गटाकडून माजी क्रिकेटपटू संदिप पाटील रिंगणात आहेत. त्यामुळे क्रिकेटर विरुद्ध राजकारणी अशी लढत पाहायला मिळणार आहे. एमसीए अध्यक्षपदासाठी उमेदवारी अर्ज भरण्याची मुदत आज संपत आहे. त्यामुळे आजचा दिवस महत्वाचा होता. मात्र मुंबई भाजपचे अध्यक्ष आशिष शेलार यांनी अर्ज दाखल केल्यामुळे २० ऑक्टोबरला क्रिकेटर विरुद्ध राजकारणी सामना पाहायला मिळणार आहे.
राजकीय वर्तुळात चर्चेला उधाण-
मुंबई क्रिकेट असोसिएशन ही प्रशासकीय संस्था आहे. एमसीएच्या कार्यक्षेत्रात पश्चिम उपनगरामधील डहाणू, मध्य उपनगरातील बदलापूर आणि खारघर पर्यंत नवी मुंबईचा समावेश आहे. शरद पवार यांनी देखील एमसीएचं अध्यक्षपद भूषवले आहे. दरम्यान आशिष शेलार यांनी या निवडणुकीत उडी घेतल्याने राजकीय वर्तुळात चर्चेला उधाण आलं आहे.
मुंबई क्रिकेट असोसिएशनची स्थापना १९३० मध्ये झाली. मुंबईत झालेल्या द्विवार्षिक निवडणुकीत विजय डी पाटील यांचा २७ मतांच्या फरकाने पराभव करून शरद पवार यांची मुंबई क्रिकेट असोसिएशनच्या (एमसीए) अध्यक्षपदी फेरनिवड झाली होती. एमसीए अध्यक्षपदासाठी पवार यांनी पाटील यांचा १७२-१४५ असा सरळ लढतीत पराभव केला होता.
महत्वाच्या बातम्या :
- Uddhav thackeray | निवडणूक आयोगाच्या निर्णयाविरुद्ध उद्धव ठाकरेंची हायकोर्टात धाव
- Uddhav Thackeray | “उलट्या काळजांच्या लोकांनी कट्यार काळजात घुसवली”; उद्धव ठाकरे भावूक
- Urvashi Rautela | “अरे दीदी त्याचा पाठलाग सोडा” ; नेटकऱ्यांनी केले उर्वशी रौतेलाला ट्रोल
- Job Alert | स्टेट बँक ऑफ इंडिया (SBI) मध्ये ‘या’ पदांसाठी भरती प्रक्रिया सुरू
- Uddhav Thackeray | मातोश्रीवर खलबतं! उद्धव ठाकरेंना प्रमुख विरोधक बनवण्याचं प्लॅनिंग
