मुंबई – मुंबईच्या भायखळा तुरुंगातल्या 39 जणांना कोरोनाची बाधा झाली आहे. इथल्या महिलांसाठीच्या तुरुगांत गेल्या 10 दिवसांत 6 मुलांसह 39 जणांना कोरोनाची लागण झाल्याची माहिती तुरुंग अधिकाऱ्यांनी दिली आहे. यात गर्भवती महिलांचाही समावेश आहे. यापैकी 36 जणांना नजिकच्या शाळेतल्या कोरोना केंद्रात तर ज्येष्ठ नागरिकांना रुग्णालयात दाखल करण्यात आलं आहे आणि त्यांच्यावर उपचार सुरू आहेत.
कोरोनाबाधित गर्भवतींनाही रुग्णालयात दाखल करण्यात आलं आहे. गेल्या आठवड्यात तुरुंगात घेण्यात आलेल्या कोरोना चाचणीदरम्यान या कैद्यांना लागण झाल्याचं समोर आलं. त्यानंतर त्यांच्या संपर्कात आलेल्या इतर रुग्णांनाही उपचारासाठी पाठवण्यात आलं आहे अशी माहिती तुरुंग अधिकाऱ्यांनी दिली आहे.
दरम्यान, राज्यात काल दिवसभरात कोरोनाचे 3 हजार 292 रुग्ण कोरोनामुक्त होऊन घरी परतले. यामुळे राज्यात कोरोनामुक्त झालेल्यांची एकंदर संख्या 63 लाख 64 हजार 27 झाली आहे. रुग्ण बरे होण्याचा राज्याचा दर 97 . 24 शतांश टक्के आहे. राज्यात काल कोरोनाच्या 3 हजार 2शे 6 नव्या रुग्णांची भर पडली तर कोविड-19 मुळे 36 रुग्णांचा मृत्यू झाला. राज्यात कोरोनामुळे आत्तापर्यंत एकंदर 1 लाख 38 हजार 870 रुग्णांचा मृत्यू झाला आहे. राज्याचा कोरोनाचा मृत्यूदर 2 .12 टक्के आहे. सध्या राज्यात एकंदर 37 हजार 860 रुग्ण कोरोनावर उपचार घेत आहेत.
महत्त्वाच्या बातम्या
- भरतीत घोटाळ्याच्या प्रकाश शेंडगेंच्या आरोपात 100 टक्के तथ्य- प्रविण दरेकर
- राज्यसभा पोटनिवडणुकीत बिनविरोध निवड झालेल्या रजनी पाटील यांचे चंद्रकांतदादांनी केले अभिनंदन
- पश्चिम महाराष्ट्रात नव तंत्रज्ञानाच्या उपयोगातून रस्त्यांचे जाळे निर्माण करणार – नितीन गडकरी
- ‘अधिकाऱ्यांनी न्यायालयाच्या अवमानाची…’, मुख्यमंत्री बिप्लब कुमार देब यांचे खळबळजनक वक्तव्य
- धर्मांतर रॅकेट : नाव बदलून राहणाऱ्या ‘आतिफ’ला ATSने नाशकातून केली अटक
