मुंबई : काल अनेक दिग्गज खेळाडूंचा लिलाव झाला तर काही खेळाडू ‘अनसोल्ड’ म्हणजेच विकले गेले नाहीत. क्रिकेटविश्वावर अधिराज्य गाजवणारा मास्टर ब्लास्टर सचिन तेंडुलकर याचा मुलगा अर्जुन तेंडुलकर आयपीएलच्या १४ व्या हंगामात खेळण्यासाठी सज्ज झाला आहे. सचिन तेंडुलकचा सुपुत्र पहिल्यांदाच आयपीएल लिलावात सामील होणार असल्याने अनेक क्रिकेट रसिकांच्या त्यांच्या लिलावाकडे लक्ष्य लागलं होतं.
अखेर अर्जुनवर बोली लागली. मुंबई इंडियन्सनेच त्याच्यावर बोली लावत २० लाखांमध्ये त्याला खरेदी केलं आहे. दरम्यान, विशेष बाब म्हणजे आयपीएलच्या इतिहासात सर्वात मोठी बोली आज लावली गेली. दक्षिण आफ्रिकेचा अष्टपैलू खेळाडू क्रिस मॉरिस याच्यासाठी तब्बल १६.२५ कोटी रुपयांची बोली लावण्यात आली आहे. केवळ ७५ लाख इतकी बेस प्राईज असलेल्या मॉरिस साठी १६.२५ कोटी मोजण्यात आले आहेत. आयपीएलच्या इतिहासात लिलावामध्ये सर्वात मोठी बोली लावलेली ही किंमत आहे. १६.२५ कोटी रुपये मोजत राजस्थान रॉयल्सने आपल्या ताफ्यात जमा केलं आहे. पहिल्यांदाच आयपीएलमध्ये संधी मिळाल्याने आणि मुंबईसारख्या तगड्या संघाने खरेदी केल्यानंतर अर्जुन तेंडुलकरही चांगलाच आनंदात आहे.
लिलावानंतर मुंबई इंडियन्सने आपल्या अधिकृत ट्विटर अकाउंटवरुन अर्जुनचा एक व्हिडिओ शेअर केला आहे. ‘मी लहानपणापासून मुंबई इंडियन्सचा खूप मोठा चाहता राहिलोय..माझ्यावर विश्वास दाखवल्याबद्दल मी प्रशिक्षक, सपोर्ट स्टाफ आणि संघ मालकांचे आभार मानतो. मुंबई पलटनमध्ये सहभागी होण्यास मी खूपच उत्सुक आहे आणि ब्लू गोल्ड जर्सी घालण्याची आतुरतेने वाट बघतोय’, अशी प्रतिक्रिया अर्जुनने दिली आहे.
A ballboy at Wankhede before ????️
Support bowler last season ????
First-team player now ????It's showtime, Arjun! ????#OneFamily #MumbaiIndians #IPLAuction pic.twitter.com/OgU4MGTPe1
— Mumbai Indians (@mipaltan) February 18, 2021
"I would like to thank the coaches, owners and the support staff for showing faith in me." ????????
Arjun Tendulkar shares his thoughts on joining MI ????#OneFamily #MumbaiIndians #IPLAuction pic.twitter.com/fEbF6Q1yUF
— Mumbai Indians (@mipaltan) February 18, 2021
महत्वाच्या बातम्या
- खंडपीठाची दिशाभूल; नगर परिषदेच्या सीओसह 4 अधिकाऱ्यांना प्रत्येकी एक लाखांचा दंड
- ‘राजे’ तुमच्या विचारांचे पालन करणार, चिमुकल्यांचा शिवजयंती दिनी निर्धार
- अर्जुन तेंडुलकरच्या निवडीनंतर बहीण साराची प्रतिक्रिया
- लघुशंकेसाठी थांबलेल्या व्यक्तीच्या पाठीवर चाकूने वार; दीड लाख रुपयांची रक्कम लंपास
- ज्या खेळाडूसाठी विराटची 28 कोटी मोजण्याची होती मात्र…
