IPL 2023 | KKR ला आणखी एक झटका, ‘हा’ खेळाडू देखील खेळणार नाही आयपीएल

टीम महाराष्ट्र देशा: आयपीएल 2023 (IPL 2023) साठी बीसीसीआय (BCCI) ने सर्व फ्रेंचायझिंना 15 नोव्हेंबर पर्यंत आपले रिटेन खेळाडूंची यादी जाहीर करण्यास सांगितले आहे. त्याचबरोबर सर्व फ्रेंचाईजींनी आयपीएल 2023 साठी मिनी ऑक्शनचे नियोजन सुरू केले आहे. तर दुसरीकडे आयपीएलच्या मिनी ऑक्शन पूर्वी अनेक संघांमध्ये बरेच बदल पाहायला मिळत आहे. अशा परिस्थितीत कोलकत्ता नाईट रायडर्स (KKR) ला आणखी एक झटका बसला आहे. सॅम बिलिंग्सने कोलकत्ता नाईट रायडर्स सोडल्यानंतर आणखी एक खेळाडू यावर्षी आयपीएल मध्ये दिसणार नाही.

सॅम बिलिंग्सच्या पाठोपाठ ऑस्ट्रेलियाचा कर्णधार पॅट कमिन्स देखील आयपीएल 2023 मध्ये खेळणार नाही. व्यस्त आंतरराष्ट्रीय सामन्याचे वेळापत्रक असल्यामुळे पॅट कमिन्स हा निर्णय घेतला आहे. पॅट कमिन्सच्या आधी इंग्लंडचा स्टार फलंदाज सॅम बिलिंग्स याने देखील व्यस्त वेळापत्रकामुळे आयपीएलच्या आगामी हंगामामध्ये न खेळण्याचा निर्णय घेतला आहे.

पॅट कमिन्स याने ऑस्ट्रेलियाच्या कसोटी आणि एक दिवसीय सामन्यांबरोबर कोलकत्ता नाईट रायडर्स साठी शेवटच्या तीन स्पर्धा खेळल्या. दरम्यान, हिपच्या दुखापतीमुळे त्याला आयपीएल 2022 मध्ये फक्त पाचच सामने खेळता आले होते. त्यामध्ये देखील त्याने 7 विकेट घेऊन 53 धावा केल्या होत्या. पॅट कमिन्सने आयपीएलमध्ये चांगला प्रभाव पडला नसला, तरी त्याची क्षमता सर्वांना माहीत आहे त्यामुळे आयपीएल हंगामात KKR ला त्याची कमी भासू शकते.

पॅट कमिन्सने त्याच्या अधिकृत ट्विटर हँडल वरून आगामी आयपीएल मध्ये खेळणार नसल्याची माहिती आपल्याच चाहत्यांना दिली आहे. त्याने पोस्ट शेअर करत लिहिले आहे की, ” मी पुढील वर्षी आयपीएल न खेळण्याचा कठीण निर्णय घेत आहे. कारण पुढचे 12 महिने आंतरराष्ट्रीय कसोटी आणि एक दिवसीय मालिकेमुळे खूप व्यस्त आहे. त्यामुळे मी थोडी विश्रांती घेऊन नंतर या सामन्यांना सुरुवात करणार आहे. केकेआर संघाने मला समजून घेतल्याबद्दल मी त्यांचा आभारी आहे.”

Thanks so much to @KKRiders for their understanding. Such a terrific team of players and staff and I hope I can get back there ASAP ????????

— Pat Cummins (@patcummins30) November 14, 2022

महत्वाच्या बातम्या 

• Aravind Sawant | “माजी मुख्यमंत्री सौजन्याची नाही, तर सुडाची मूर्ती”; ठाकरे गटाची फडणवीसांवर टीका
• Bharat Jodo Yatra | भारत जोडो यात्रेसाठी योगेश नाईक यांची राज्य समन्वयक पदी निवड
• Alia Bhatt | आई झाल्यानंतर ‘आलिया’ने केला पहिला फोटो शेअर
• Rahul Narvekar | “जितेंद्र आव्हाडांचा राजीनामा स्वीकारणार का?”; राहुल नार्वेकर म्हणाले,
• Ajit Pawar | “सत्तेत असताना गृह खाते राष्ट्रवादीकडे होते, मात्र…” ; अजित पवारांचा सत्ताधाऱ्यांवर निशाणा