यवतमाळ: राज्यभरात पोलिओ लसीकरणाची मोहिमे मोठ्या थाटामाटात राबवण्यात आली. पण, यवतमाळमधील प्राथमिक आरोग्य केंद्रात पोलिओ लसीकरणादरम्यान सॅनिटायझर पाजण्यात आल्याचा धक्कादायक प्रकार घडला आहे. १२ बालकांची प्रकृती खालावल्यामुळे त्यांना रुग्णालयात दाखल करण्यात आले आहे.
घाटंजी प्राथमिक आरोग्य केंद्रात हा प्रकार घडला आहे. पोलिओ लसीकरणादरम्यान लहान मुलांना सॅनिटाझर पाजण्यात आले. १ ते ५ वयोगटातील मुलांना पोलिओची लस देताना हा त्यांना सॅनिटायझर पाजण्यात आले. सुरुवातीला मुलांना उलट्याचा त्रास सुरू झाला त्यानंतर त्यांना रात्री रुग्णालयात दाखल केले. मुलांना उलट्या होण्याचे कारण तपासले असता पोलिओ लसीकरणादरम्यान सॅनिटायझर पाजण्यात आल्याचा धक्कादायक माहिती समोर आली.
या १२ बालकांना तातडीने यवतमाळच्या शासकीय रुग्णालयात दाखल करण्यात आले. या मुलांच्या पालकांनी या घटनेनंतर संताप व्यक्त केला आहे. तसेच या संपूर्ण प्रकाराची चौकशी करण्याची मागणी होत आहे. सुरुवातीला मुलांना उलट्याचा त्रास सुरू झाला त्यानंतर त्यांना रात्री रुग्णालयात दाखल केले. मुलांना उलट्या होण्याचे कारण तपासले असता पोलिओ लसीकरणादरम्यान सॅनिटायझर पाजण्यात आले होते, हे उघड झाले. या घटनेमुळे एकच खळबळ उडाली. मुलांच्या पालकांनी घडलेल्या घटनेबद्दल तीव्र संताप व्यक्त केला आहे.
दरम्यान, यवतमाळ जिल्हाधिकारी एम देवेंदर सिंग यांनी रात्री रुग्णालयात भेट देऊन मुलांच्या प्रकृतीची चौकशी केली. या संपूर्ण घटनेची चौकशी जिल्हा परिषदेचे मुख्य कार्यकारी अधिकारी श्रीकृष्ण पांचाळ करीत आहे.
महत्वाच्या बातम्या
- शेती व ग्रामीण विभागाला पुन्हा बोलाची कढी आणि बोलाचाच भात – अजित नवले
- ‘बजेटच्या हृदयात गाव आणि शेतकऱ्यांचा विकास आहे’
- …म्हणून संपूर्ण महाराष्ट्राचं अभिनंदन करण्याची हिंमत फडणवीसांचीही झाली नाही – अजित पवार
- भारत पाकिस्तानला देखील पुरवणार कोरोना लस !
- #Budget2021 : ‘खिशात नाही आणा अन् बाजीराव म्हणा’ संजय राऊतांचा सरकारला टोला
