मुंबई: राज्यात भोंग्यावरुन राजकारण तापले असताना उत्तर प्रदेशचे मुख्यमंत्री योगी आदित्यनाथ (Yogi Adityanath) यांच्या निर्देशांनुसार उत्तर प्रदेशात आत्तापर्यंत जवळपास ११ हजार धार्मिक स्थळांवरील भोंगे काढण्यात आले असून ३५ हजार धार्मिक स्थळांवरील भोंग्यांसाठी आवाजाची मर्यादा निश्चित करुन देण्यात आली आहे. यावर अनेक राजकीय प्रतिक्रिया उमटत असतात विरोधी पक्षनेते देवेंद्र फडणवीस यांच्या पत्नी अमृता फडणवीस (amruta fadanvis) यांनी अगदी थोडक्यात ट्वीट करत ठाकरे सरकारवर निशाणा साधला आहे.
ऐ ‘भोगी’ , कुछ तो सीख हमारे ‘योगी’ से !#Maharashtra #thursdayvibes
— AMRUTA FADNAVIS (@fadnavis_amruta) April 28, 2022
“ऐ ‘भोगी’, कुछ तो सीख हमारे ‘योगी’ से”, असे ट्वीट करत अमृता फडणवीस यांनी ठाकरे सरकारला टोला लगावला आहे. यातून त्यांनी अप्रत्यक्ष मुख्यमंत्री उद्धव ठाकरे यांना सल्ला दिला आहे. दरम्यान यासंदर्भातच राज ठाकरे यांनीही ट्विट करत म्हटले की, “उत्तर प्रदेशातील धार्मिक स्थळांवरील, विशेषतः मशिदींवरील भोंगे उतरवल्या बद्दल योगी सरकारचे मनःपूर्वक अभिनंदन आणि आभार. आमच्याकडे महाराष्ट्रात ‘योगी’ कुणीच नाही, आहेत ते फक्त सत्तेचे ‘भोगी’. तसेच महाराष्ट्र सरकारला सदबुद्धी मिळो, हीच आई जगदंबेचरणी प्रार्थना.”
दरम्यान, काही दिवसांपूर्वी योगी आदित्यनाथ यांनी भोंग्यांसंदर्भात वरिष्ठ अधिकाऱ्यांसोबत बैठक घेतली होती. यावेळी प्रत्येक धर्माला त्यांच्या पद्धतीनं प्रार्थना करण्याचा अधिकार असून त्यासाठी माईक, स्पीकर यांचा वापरही करण्यास हरकत नाही. मात्र कुणाचाही अडथळा करुन जी गोष्टी केली जाते, त्याला प्रार्थना म्हणता येऊ शकत नाही, असे योगी म्हणाले होते.
महत्वाच्या बातम्या:
- IPL 2022 DC vs KKR : ऋषभ पंत विरुद्ध श्रेयस अय्यर; वाचा कोण आहे कोणावर भारी!
- “MNS ला राष्ट्रवादीची फूस असती तर राज ठाकरेंनी शरद पवारांना…”, अजित पवारांचे मोठे विधान
- IPL 2022 GT vs SRH : मुरलीधरनचं असं रुप पाहिलंय का? ‘या’ गोष्टीमुळं रागानं लालबुंद झाला आणि…! पाहा VIDEO
- “उत्तर प्रदेशात योगींनी काय करावे, हा त्यांचा अधिकार पण महाराष्ट्रात…”, भोंगे संदर्भात अजित पवारांचे मोठे वक्तव्य
- “…हे तपासण्याचे आपल्याकडे अजून तरी यंत्र नाही”, अजित पवार यांचे वक्तव्य
