OBC Reservation : “विधानसभा निवडणूक जिंकायची या कपट हेतुने…”, अमोल मिटकरींचा देवेंद्र फडणवीसांवर आरोप

🕒 1 min read

मुंबई: लवकरच स्थानिक स्वराज्य संस्थांच्या निवडणुका होणार आहेत. मात्र न्यायालयाच्या आदेशांमुळे यंदाही ओबीसी आरक्षणाशिवाय निवडणुका होणार असल्याचे दिसून येते आहे. यावरून भाजप विरुद्ध सत्ताधारी पक्षात आरोप-प्रत्यारोप सुरु झाले आहे. आता राष्ट्रवादीचे नेते अमोल मिटकरी (Amol Mitkari) यांनी थेट माजी मुख्यमंत्री तथा राज्याचे विरोधी पक्षनेते देवेंद्र फडणवीस यांच्यावर आरोप केले आहेत.

भाजपा व देवेंद्र फडणवीस यांची आरक्षणामागची कपटनीती समजून घ्या. फडणवीस मुख्यमंत्री असताना मराठा समाजासाठी SEBC आरक्षणाचा कायदा मंजूर करून घेतला. आरक्षण हा केंद्र सरकारचा विषय असल्याने या प्रक्रियेत फडणवीस सरकारने मोदी सरकारला सामील करून घेणे आवश्यक होते तसे झाले नाही. SEBC ला (मराठा आरक्षणाला बेताल विरोध करणाऱ्या सदावर्ते यांच्या माध्यमातुन) फडणविसांनी योजनेने उच्च न्यायालयाच्या कसोटीवर आणले. तिथे SEBC आरक्षण वैध ठरले. खरं तर केंद्र सरकारने EWC चा पर्याय निर्माण केला असताना SEBC चा आग्रह कशासाठी? तो उघडा का पाडल्या गेला नाही? असा सवाल अमोल मिटकरी यांनी केला आहे.

भाजपा व देवेंद्र फडणवीस यांची आरक्षणामागची कपटनीती समजून घ्या. फडणवीस मुख्यमंत्री असताना मराठा समाजासाठी SEBC आरक्षणाचा कायदा मंजूर करून घेतला. आरक्षण हा केंद्र सरकारचा विषय असल्याने या प्रक्रियेत फडणवीस सरकारने मोदी सरकारला सामील करून घेणे आवश्यक होते तसे झाले नाही.

— आ. अमोल गोदावरी रामकृष्ण मिटकरी (@amolmitkari22) May 25, 2022