Ambadas Danve | “… म्हणून गुलाबराव पाटलांनी त्यांचा आजा बदलला”, अंबादास दानवेंचा घणाघात

🕒 1 min read

भंडारा : भंडारा जिल्ह्यातील नुकसान ग्रस्त भागाची पाहणी करण्यासाठी शिवसेना नेते अंबादास दानवे पोहोचले आहेत. यानंतर त्यांनी पत्रकारांशी संवाद साधला. यावेळी त्यांनी एकनाथ शिंदे गटातील नेते गुलाबराव पाटील यांच्यावर टीका केली आहे. गुलाबरावांनी आदित्य ठाकरे आणि उद्धव ठाकरे यांच्यावर टीका केली होती. त्यामुळे दानवे यांनी प्रतिक्रिया दिली आहे.

अंबादास दानवे यांची प्रतिक्रीया :

गुलाबराव पाटील यांनी आपल्या फायद्यासाठी आजा बदलला, असा आरोप परिषदेचे विरोधी पक्ष नेते अंबादास दानवे यांनी केला आहे. प्रबोधनकारांनी सर्वसामान्यांची सेवा हेच हिंदुत्व आहे, असं सांगितलं आहे. गुलाबराव पाटलांचं मागचं भाषण तुम्ही ऐका, आजा शिवसेना के पास आजा, बाळासाहेब ठाकरे के पास आजा, असं हेच बोलत होते आणि आता बंडखोरी केली, आता तुमचा आजा बदलला, ते आता एकनाथ शिंदे झाले आहेत, काही हरकत नाही, अशी घणाघाती टीका अंबादास दानवेंनी केली आहे.

गुलाबराव पाटील यांची टीका :

दरम्यान, गुलाबराव पाटील यांनी आज पुन्हा एकदा आदित्य ठाकरे आणि शिवसेनेवर तीव्र टीका केली होती. आदित्य ठाकरे हे केवळ इस्टेटीचे वारसदार आहेत, तर आम्ही विचारांचे वारसदार आहोत, असं गुलाबराव पाटील म्हणाले होते.

यादरम्यान, दसरा मेळाव्यावरुन, आमचा दसरा मेळावा हिंदुत्वाच्या विचारांचा आहे, मात्र, उद्धव ठाकरेंचा दसरा मेळावा शरद पवार आणि सोनिया गांधींच्या मिक्स विचारांचा होणार असल्याची टीका गुलाबराव पाटलांनी केली आहे. आमचा दसरा मेळावा बघायला बाळासाहेबांचा आत्मा येईल!, असंही मंत्री गुलाबराव पाटील यावेळी म्हणाले आहेत.

महत्वाच्या बातम्या :

• Maharashtra Rain Updates | राज्यभरात पावसाचा जोर कमी, मराठवाड्यासह विदर्भात ‘यलो अलर्ट’!
• Supriya Sule | “शहराला अजूनही पालकमंत्री नाही, म्हणूनच मी खासदार या नात्याने…’, सुप्रिया सुळेंनी प्रलंबित प्रश्नांचा घेतला आढावा
• Narayan Rane | नारायण राणेंना झटका! अधिश बंगल्यातील अनधिकृत बांधकाम तोडण्याचे हायकोर्टाचे आदेश
• Maharashtra Board Exam Time Table | महाराष्ट्र बोर्डाकडून १०वी, १२वीच्या परिक्षांच्या तारखा जाहीर, ‘या’ तारखेपासून होणार परिक्षा!
• Narayan Rane | नारायण राणेंना दणका! मुंबई हायकोर्टाने अधिश बंगल्याचा मागणी अर्ज फेटाळला