अजित पवारांचा विरोधकांवर निशाणा, म्हणाले…

🕒 1 min read

नाशिक : शिवसेना, राष्ट्रवादी काँग्रेस आणि काँग्रेस यांच्या महाविकास आघाडी सरकारला स्थापनेची संधी मिळून प्रत्यक्ष शपथविधी झाला, तो दिवस होता २८ नोव्हेंबर २०१९. दरम्यान, आज महाविकास आघाडीला दोन वर्षे पूर्ण झाली आहेत. यावरून विरोधी पक्ष महाविकास आघाडी सरकारवर (MVA) निशाणा साधत आहे.

काही दिवसापूर्वीच केंद्रीय सुक्ष्म, लघु आणि मध्यम उद्योग मंत्री नारायण राणे (Narayan Rane) यांनी हे सरकार कोसळण्याबाबत खळबळजनक वक्तव्य केलं होते. ‘एखादं सरकार पाडायचं असेल आणि नवं सरकार स्थापन करायचं असेल तर काही गोष्टी गुपित ठेवाव्या लागतात. महाविकास आघाडी सरकारचं आयुष्य लवकरच संपणार आहे,’ अशी भविष्यवाणी नारायण राणे यांनी केली होती.

त्यानंतर भाजप नेते प्रवीण दरेकर (Pravin Darekar) यांनी देखील राज्यात लवकरच भाजपचे सरकार येणार असे सूचक संकेत दिले. यावरून आता उपमुख्यमंत्री आणि राष्ट्रवादी काँग्रेसचे नेते अजित पवार (Ajit Pawar) यांनी विरोधी पक्षाला सडेतोड उत्तर दिले आहे.

अजित पवार म्हणाले की, रोज कोण कोण बोलतात सरकार जाणार, सरकार जाणार म्हणणारे देव पाण्यात ठेवून बसले आहेत. पण सरकारचे दुसरीकडे काम सुरू असल्याचे अजित पवार म्हटले. यशवंतराव चव्हाण यांच्या विचाराने, शरद पवार यांच्या मार्गदर्शनात सरकार पुढे जात आहे. मुख्यमंत्री उद्धव ठाकरे यांच्या नेतृत्वाखाली तिन्ही पक्ष काम करत असल्याचे अजित पवार यांनी सांगितले.

दरम्यान,  नाशिक येथील कळवण तालुक्यातील नाकोडे गावात विविध विकास कामाचे भूमिपूजन, उद्घाटन कार्यक्रम उपमुख्यमंत्री अजित पवार यांच्या हस्ते पार पडला, त्यावेळी ते बोलत होते.

महत्वाच्या बातम्या:

• …या दोन वर्षांत प्रकृती बिघडली ती राज्यातील विरोधी पक्षाची- संजय राऊत
• ‘विरोधी पक्षाची गेल्या दोन वर्षांतील अचिव्हमेंट काय?’, संजय राऊतांचे टीकास्त्र
• ‘कितीही संकटं येवोत, सर्वसामान्यांना केंद्रबिंदू मानून राज्य सरकार काम करीत राहणार’
• हिंदूंची संख्या आणि ताकद कमी होत आहे- मोहन भागवत
• संयुक्त किसान मोर्चाच्या बैठकीसाठी शेतकरी नेते राकेश टिकैत झाले मुंबईत दाखल