Ajit Pawar | “महाविकास आघाडी समविचारी पक्षांना सोबत घेण्यास तयार”, अजित पवार स्पष्ट बोलले

🕒 1 min read

Ajit Pawar | मुंबई : उद्धव ठाकरे आणि प्रकाश आंबेडकर यांच्या भेटीनंतर शिवशक्ती आणि भिमशक्तीच्या युतीच्या चर्चांना हवा मिळाली. वंचित मविआमध्ये सामील होणार असेल तर काँग्रेस आणि राष्ट्रवादी यांची भूमिका काय असेल, याबाबत तर्क लावले जात आहेत. अशातच राष्ट्रवादी (NCP) पक्षाचे नेते आणि विधान परिषदेचे विरोधी पक्षनेते अजित पवार (Ajit Pawar) यांनी यावर राष्ट्रवादीची भूमिका स्पष्ट केली आहे.

काल अशोक चव्हाण, बाळासाहेब थोरात, जयंत पाटील यांना विचारलं सर्वांची सकारात्मक भूमिका आहे. समविचारी पक्षांनी एकत्र लढलं पाहिजे. वंचित मविआसोबत येत असेल तर आम्हाला आनंदच आहे, महाविकास आघाडी समविचारी पक्षांना सोबत घेण्यास तयार आहे, असं अजित पवार म्हणाले.

तक्रार काय करता त्यांचे आरे ला कारे ने उत्तर द्या. त्यांना महाराष्ट्राची भूमिका दाखवा. कर्नाटकचे मुख्यमंत्री ज्याप्रकारे वक्तव्य करत आहेत. त्यांना जशास तसे उत्तर देण्याचे काम महाराष्ट्राच्या मुख्यमंत्र्यांनी केले पाहीजे. महाराष्ट्रात असलेला सत्ताधारी पक्षच कर्नाटकमध्ये राज करत आहे. भाजपचे मुख्यमंत्री कर्नाटकमध्ये आहेत आणि इथ भाजपचे उपमुख्यमंत्री आहेत. त्यामुळे यांनी योग्य रस्ता काढावा, असं देखील सीमा वादावर पवार म्हणाले.

महाराष्ट्राचे मंत्री शंभूराज देसाई यांनी सांगितले की, आमच्या दोन मंत्र्यांच्या बेळगावी भेटीबाबत आम्ही कर्नाटक सरकारला अधिकृतपणे कळवले आहे. देसाई म्हणाले की, आम्ही यात्रा पुढे ढकलली आहे, रद्द केलेली नाही.

महत्वाच्या बातम्या :

• Maharashtra Karnataka Border Dispute | आम्ही बेळगाव दौरा पुढे ढकलला, रद्द केलेला नाही – शंभूराज देसाई
• Sudhir Mungantiwar | “शिवरायांच्या जगदंबा तलवारीसह वाघनखंही महाराष्ट्रात आणणार”; सुधीर मुनगंटीवार यांची मोठी घोषणा
• Ajit Pawar on Karnataka CM | “तक्रार काय करता? आरे ला का रे उत्तर द्या” ; अजित पवारांचा मंत्र्यांना सल्ला
• Eknath Shinde | स्वतः एकनाथ शिंदेच म्हणाले, “राज्याचे लोकप्रिय मुख्यमंत्री देवेंद्र फडणवीस”
• IND vs BAN | खराब फॉर्ममुळे ‘हे’ खेळाडू होऊ शकतात प्लेइंग इलेव्हनमधून बाहेर