मोदी प्रसिद्धीसाठी आपल्या आईचाही वापर करतात : अजित पवार

🕒 1 min read

टीम महाराष्ट्र देशा : सध्या देशभरात निवडणुकांचे वारे जोरदार वाहत आहे. अशातच सत्ताधारी आणि विरोधी पक्ष एकमेकांवर आरोप- प्रत्यारोप करत आहेत. पंतप्रधान नरेंद्र मोदींवर निशाणा साधत राष्ट्रवादी काँग्रेसचे नेते अजित पवार यांनी मोदी प्रसिद्धीसाठी आपल्या आईचाही वापर करतात अशी जोरदार टीका केली आहे. इंदापूर येथे घेण्यात आलेल्या सभेत ते बोलत होते.

काय म्हणाले अजित पवार ?

पंतप्रधान नरेंद्र मोदी प्रसिद्धीसाठी नेहमी उतावळे असतात. त्यामुळे प्रसिद्धीसाठी ते आपल्या आईचाही वापर करतात. नरेंद्र मोदी जेव्हा आपल्या आईला भेटायला जातात तेव्हा मीडियाची फौज घेऊन जातात. घराबाहेर बसून आईसोबतचे फोटो काढून घेतात. प्रसिद्धीसाठी आईचा वापर करणे बरोबर नाही. आईला भेटायचे असेल तर चार भींतीत भेटा. ही नौटंकी कशाला करता?