“धनंजय जरा काढ रे ‘सेल्फी’ अन दे चंद्रकांत दादांना पाठवून” अजितदादांचा ‘सेल्फी विथ खड्डा’

🕒 1 min read

टीम महाराष्ट्र देशा: १५ डिसेंबर पर्यंत महाराष्ट्र खड्डेमुक्त करण्याचे आश्वासन सार्वजनिक बांधकाम मंत्री चंद्रकांत पाटील यांने दिले होते. मात्र राज्यात अजून खड्यांची जवळपास आहे तशीच दिसत आहे. याविरोधात राष्ट्रवादी कॉंग्रेसने सुप्रिया सुळे यांच्या नेतृत्वाखाली खड्यांच्या विरोधात आंदोलन सुरु केल होत.

आता याच आंदोलनाचा पुढचा भाग म्हणून खुद्द माजी उप मुख्यमंत्री अजित पवार आणि विधान परिषदेचे विरोधीपक्ष नेते धनंजय मुंडे यांनीच चंद्रकांत पाटलांना खड्यांसोबत सेल्फी पाठवला आहे. राष्ट्रवादी कॉंग्रेसच्या सुरु असलेल्या हल्लाबोल यात्रेदरम्यान निलंगा-उदगीर रस्त्यावर हा सेल्फी काढला असल्याचे ट्विट धनंजय मुंडे यांनी केल आहे.

“15 डिसेंबर पर्यंत खड्डेमुक्त महाराष्ट्र करण्याची नुसती घोषणाच झाली खड्डे मात्र तसेच आहेत. हल्लाबोल यात्रेदरम्यान सर्वत्र खड्डेच खड्डे आढळुन आले. निलंगा-उदगीर दरम्यान स्वतः अजितदादांनीच धनंजय काढ रे जरा खड्डयांचे सेल्फी अन दे चंद्रकांत दादांना पाठवून असे सांगितले.” अशा आशयाच ट्विट धनंजय मुंडेंनी केल आहे.

15 डिसेंबर पर्यंत खड्डेमुक्त महाराष्ट्र करण्याची नुसती घोषणाच झाली खड्डे मात्र तसेच आहेत. हल्लाबोल यात्रेदरम्यान सर्वत्र खड्डेच खड्डे आढळुन आले. निलंगा-उदगीर दरम्यान स्वतः @AjitPawarSpeaks दादांनीच धनंजय काढ रे जरा खड्डयांचे सेल्फी अन दे @ChDadaPatil दादांना पाठवून असे सांगितले. pic.twitter.com/LB4OaPsyc9

— Dhananjay Munde (@dhananjay_munde) January 19, 2018