🕒 1 min read
टीम महाराष्ट्र देशा : आंध्रप्रदेशमधील एका 29 वर्षीय मुलाने ऐश्वर्या राय त्याची आई असल्याचा दावा केला आहे. विशाखापट्टनम येथे राहणाऱ्या संगीत कुमारने ऐश्वर्या त्याची आई असल्याचे सांगितले आहे. आयव्हीएफच्या मार्फत 1988 मध्ये लंडनमध्ये त्याचा जन्म झाला. 
ऐश्वर्याने आता माझ्यासोबत राहावे…
संगीत म्हणाला की, ‘माझ्या आईने 2007 मध्ये अभिषेकशी लग्न केले. सध्या ती वेगळी राहत आहे, त्यामुळे तिने माझ्यासोबत मंगळुरूमध्ये राहावे अशी माझी इच्छा आहे. गेली 27 वर्षे मी माझ्या कुटुंबापासून दूर आहे. मला आईची फार आठवण येते. मला पुन्हा विशाखापट्टणमला जायचे नाहीये. आईचा मोबाइल नंबर तरी मिळावा अशी माझी अपेक्षा आहे.’
संगीत हा ऐश्वर्याचाच मुलगा आहे हे सिद्ध करणारा एकही पुरावा त्याच्याकडे नाही. याबद्दल खुलासा देताना तो म्हणाला की, ‘माझ्या नातेवाईकांनी सगळे कागदपत्र नष्ट केले. लहानपणी मला या गोष्टींचे योग्य ज्ञान नसल्यामुळे नक्की काय करायला हवे हे मला काहीच माहित नव्हते. पण आता मला सारं काही स्पष्ट झालं आहे. आई अभिषेकपासून दूर झाली असल्यामुळे तिने माझ्यासोबत राहावे एवढीच माझी इच्छा आहे.’
संगीत 29 वर्षांचा आहे. संगीत दोन वर्षांचा होईपर्यंत ऐश्वर्याचे आईवडील वृंदा राय आणि कृष्णाराज राय यांनीच त्याचे पालन- पोषण केले, असे तो सांगतो. 
संगीतचे वडील आदिवेलू रेड्डी यांनी त्याला विशाखापट्टनम येथे आणले. यानंतर तो रेड्डी कुटुंबियांसोबतच राहतो.
बातम्यांच्या अपडेटसाठी लाईक करा आमच्या फेसबुक पेजला, फाॅलो करा टि्वटर आणि जी प्लसवर
बातम्यांसाठी YouTube चॅनेल Subscribe करा
Subscribe Now
