सावंतवाडीः संतोष परब हल्लाप्रकरणी आमदार नितेश राणे यांना जामीन मिळाला आहे. तसेच त्यांची प्रकृती ठीक नसल्याने त्यांच्यावर उपचार सुरु होते. आज त्यांनी पहिली प्रतिक्रिया देत थेट मुख्यमंत्री ठाकरेंवर निशाणा साधला आहे. मुख्यमंत्री नेमकं अधिवेशनाच्या वेळी गळ्यात बेल्ट का घालतात, ईडीच्या कारवाई सुरू झाल्यावर कोरोना कसा होतो? असा सवाल नितेश राणे (BJP MLA Nitesh Rane) यांनी केला आहे.
यावेळी त्यांनी “पुढील तपासणीसाठी रुग्णालतात जाणार असून जनतेला त्रास नको म्हणून मी स्वतःहून शरण आलो. मात्र, आता तब्येत बरी होईपर्यंत आराम करणार आहे. आता मी बरा झाल्यानंतर बोलेन, त्या दिवशी खूप लोकांचा बीपीचा त्रास सुरू होईल”, असा इशाराही त्यांनी दिला आहे.
तसेच मी कुठल्याही तपास कार्यातून लांब गेलो नव्हतो. जेव्हा-जेव्हा संपर्क करण्यात आला, फोन आला, तेव्हा मदत केली. कुठल्याही तपासकार्यात अडथळे आणले नाही. सर्व माहिती देत होतो आणि यापुढे देणार आहे. मी विधिमंडळाचा सदस्य आहे.२ वेळा निवडून आलेला प्रतिनिधी आहे. जबाबदारीने वागणे गरजेचे आहे. त्यामुळे कुणीही माझे सहकार्य मागतात, तेव्हा एक जबाबदार लोकप्रतिनिधी म्हणून मी सहकार्य करत होतो, असेही नितेश राणे यांनी म्हटले आहे.
तसेच ज्या दिवशी मी शरण आलो, त्याच्या ४ दिवसांपर्यंत मला कोर्टाचं संरक्षण देण्यात आलं. पण जे कोर्टाबाहेर घडलं, गाडी अडवण्यात आली, सहकाऱ्यांना केसेसमध्ये अडकवण्यात आलं. त्यामुळे मी विचार केला. सिंधुदुर्गाच्या लोकांना त्रास होऊ नये, कायदा सुव्यवस्थेचा प्रॉब्लेम होऊ नये म्हणून मी सरेंडर झालो.असा दावाही नितेश राणे यांनी केला आहे.
महत्वाच्या बातम्या:
- Uttarakhand election 2022 : काँग्रेसने उत्तराखंडमधील जनतेला वर्षानुवर्षे पाण्यापासून वंचित ठेवले- नरेंद्र मोदी
- Lakhimpur Kheri violence : शेतकर्‍यांना चिरडल्याचा आरोप असलेल्या केंद्रीय मंत्र्याच्या मुलाला मिळाला जामीन
- अमरावती महापालिकेच्या कर्मचाऱ्यांचे सोमवारपर्यंत काम बंद आंदोलन
- ‘किंग’ बनायचयं, ‘किंग मेकर’ नाही; शिवतीर्थ’वरील बैठकीनंतर मनसेची भूमिका
- अश्वारुढ छत्रपती शिवाजी महाराज यांचा क्रांती चौकातील पुतळा अनावरण साठी सज्ज
