टीम महाराष्ट्र देशा : सुप्रसिद्ध गायक आनंद शिंदे यांच्या गाडीला इंदापूरजवळ अपघात झाला. या अपघातात त्यांच्या गाडीचे मोठ्या प्रमाणात नुकसान झाले असून आनंद शिंदे यांना किरकोळ दुखापत झाली आहे. सुदैवाने ही दुखापत गंभीर नाही. त्यांच्यावर उपचार करण्यात आले आहेत.
मिळालेल्या माहितीनुसार आनंद शिंदे हे मुंबईहून इंदापूरमार्गे सांगोल्याला जात होते. पुणे-सोलापूर महामार्गावर इंदापूरजवळ वरकुटे इथे पहाटे दोनच्या सुमारास अपघात झाला. अपघातात आनंद शिंदे यांच्या पायाच्या तळव्याला दुखापत झाली आहे. अपघातानंतर आनंद शिंदे यांना इंदापूरमध्ये खासगी रुग्णालयात दाखल करण्यात आलं. सुदैवाने आनंद शिंदे यांना मोठी दुखापत झाली नाही.
दरम्यान, आनंद शिंदे हे मराठी सिनेश्रुष्टीतील अग्रगण्य गायक आहेत. तसेच त्यांचे सुपुत्र आदर्श शिंदे हे सुद्धा नव्या पिढीतील उत्कृष्ठ गायक आहेत. आनंद शिंदे यांची गाणी ही खूप लोकप्रिय आहेत. कारण त्यांची आवाज आणि गायनाची शैली ही सगळ्यात हटके आहे.
