घोटाळा प्रकरणात भुजबळांना दिलासा, कोर्टाकडून पंकज आणि समीर भुजबळ यांची निर्दोष मुक्तता

मुंबई : राष्ट्रवादी काँग्रेसचे नेते तथा अन्न व नागरी पुरवठा मंत्री छगन भुजबळ यांचा मुलगा पंकज भुजबळ आणि पुतण्या समीर भुजबळ यांची जमीन घोटाळा प्रकरणात निर्दोष मुक्तता झाली आहे. त्यांना मुंबई सत्र न्यायालयाने २०१५ मध्ये रायगड जिल्ह्यातील गृहनिर्माण प्रकल्पात फसवणूक केल्याच्या आरोपातून दोषमुक्त केले आहे. बुकींग करुन देखील तीन वर्ष झाली तरी देखील सदनिका सुपूर्द करण्यात आली नाही, असा आरोप त्यांच्यावर करण्यात आला होता.

चेंबूरच्या येथील एका व्यक्तीने याबाबत तक्रारी दाखल केली होती. युनूस शेख यांनी १३ जून २०१५ ही रोजी तक्रार नोंदवली होती. त्यावरून पंकज भुजबळ, पुतणे समीर भुजबळ आणि देविशा इन्फ्रास्ट्रक्चर प्रायव्हेट लिमिटेडचे इतर दोन संचालक राजेश धारप आणि सत्यन केसरकर यांच्यावर नवी मुंबई पोलिसांनी फसवणूक आणि महाराष्ट्र ओनरशिप फ्लॅट्स अॅक्ट अंतर्गत गुन्हा दाखल केला होता.

२०१५ मध्ये भुजबळ बंधुसह दोघांच्या कंपनीने २,३४४ फ्लॅट विकण्याची योजना आखली होती आणि त्यांनी ४४ कोटी रुपये गोळा केले होते. मात्र हा प्रकल्प विकसितच केला नव्हता असे तक्रारीत नमूद करण्यात आले होते. दरम्यान, देविशा इन्फ्रास्ट्रक्चर प्रायव्हेट लिमिटेड (डीआयपीएल) संचालकांनी आरोपातून मुक्त करण्यासाठी अर्ज केले होते. या प्रकरणात २५ फेब्रुवारी २०१६ रोजी आरोपपत्र दाखल करण्यात आले. त्यानंतर झालेल्या सुनावणीत अतिरिक्त सत्र न्यायाधीश एच.एस. सातभाई यांनी फौजदारी प्रक्रिया संहितेच्या कलम २३९ अंतर्गत चारही व्यक्तींना निर्दोष ठरवत आरोपींची मुक्तता केली.

महत्त्वाच्या बातम्या

• शरद पवार घेणार मुख्यमंत्री ठाकरेंची भेट; ‘या’ महत्वाच्या मुद्द्यांवर चर्चा!
• रामदास आठवलेंकडून एमआयएम खा.ओवैसींच्या ‘त्या’ वक्तव्याचे समर्थन, म्हणाले..
• अँटिलिया स्फोटक प्रकरण, बोगस पुराव्यासाठी परमबीर सिंह यांनीच दिली ५ लाखांची लाच
• मुख्यमंत्री ठाकरे आणि नारायण राणे येणार एकाच व्यासपीठावर
• धनंजय मुंडेंना होमपिचवर गुगली! करुणा शर्मा यांच्या समर्थनात भाजप मैदानात उतरणार