🕒 1 min read
PM Narendra Modi | अहमदाबाद: पंतप्रधान नरेंद्र मोदी (PM Narendra Modi ) यांच्या आई हिराबेन मोदी (Hiraben Modi) यांचं आज निधन झालं आहे. मोदींनी ट्विटरवर पोस्ट करत या संदर्भात माहिती दिली आहे. हिराबेन अहमदाबाद येथील रुग्णालयात दोन दिवसांपूर्वी उपचारासाठी दाखल झाल्या होत्या. त्यांनी जून महिन्यामध्ये वयाची शंभरी गाठली होती. 28 डिसेंबर रोजी त्यांना रुग्णालयात उपचारासाठी नेण्यात आले होते. पंतप्रधान मोदी त्याच दिवशी आईची भेट घेण्यासाठी अहमदाबादला गेले होते. आज मध्यरात्री हिराबेन मोदी यांनी अखेरचे श्वास मोजले.
पंतप्रधान नरेंद्र मोदी यांनी ट्विटरवर पोस्ट शेअर करत आईच्या मृत्यूबद्दल माहिती दिली आहे. त्यांनी हिराबेन यांचा हातामध्ये दिवा असलेला फोटो शेअर केला आहे. हा फोटो शेअर करत असताना पंतप्रधान नरेंद्र मोदी म्हणाले, ”एक तेजस्वी शतक ईश्वराच्या चरणी विलीन झाले.” मोदींनी सोशल मीडियावर आपल्या भावना व्यक्त केल्या आहेत. आईमध्ये मला एका त्रिमूर्तीचा भास व्हायचा, असं देखील मोदींनी आपल्या ट्विटमध्ये म्हटले आहे.
शानदार शताब्दी का ईश्वर चरणों में विराम… मां में मैंने हमेशा उस त्रिमूर्ति की अनुभूति की है, जिसमें एक तपस्वी की यात्रा, निष्काम कर्मयोगी का प्रतीक और मूल्यों के प्रति प्रतिबद्ध जीवन समाहित रहा है। pic.twitter.com/yE5xwRogJi
— Narendra Modi (@narendramodi) December 30, 2022
4 डिसेंबर रोजी गांधीनगरमध्ये पंतप्रधान नरेंद्र मोदी यांनी आपली आई हिराबेन यांची भेट घेतली होती. मोदी आणि त्यांच्या आईच्या भेटीचे फोटो समोर आले होते. या फोटोमध्ये पंतप्रधान नरेंद्र मोदी आईच्या पायाला स्पर्श करून आशीर्वाद घेताना दिसले होते.
18 जून 2022 रोजी हिराबेन यांनी वयाची शंभर वर्षे पूर्ण केली होती. आईच्या वाढदिवसादिवशी पंतप्रधान नरेंद्र मोदी यांनी सोशल मीडियावर फोटो शेअर करत आईला शुभेच्छा दिल्या होत्या. त्याआधी पंतप्रधान नरेंद्र मोदी 11 आणि 12 मार्च रोजी गुजरात दौऱ्यावर असताना हिराबेन यांना भेटले होते.
महत्वाच्या बातम्या
- Ajit Pawar | TET घोटाळा आमच्या काळात झाला असले तरी चौकशी करा – अजित पवार
- Winter Session 2022 | बोगस डॉक्टरांचा पर्दाफाश होणार ; विधानसभेत मोठा निर्णय
- ICC Award 2022 | ‘क्रिकेटर ऑफ द इयर 2022’ नामांकन यादीत ‘या’ भारतीय खेळाडूला मिळाले स्थान
- Eknath Khadse | “वेगळ्या विदर्भासाठी लढा देणारे नेते…” ; एकनाथ खडसेंची फडणवीसांना टोला
- Team India | रोहित-विराटसह टीम इंडियातील ‘या’ वरिष्ठ खेळाडूंचा टी-20 प्रवास थांबणार?
बातम्यांसाठी YouTube चॅनेल Subscribe करा
Subscribe Now
