रोहित पवार यांची फेसबुक पोस्ट चर्चेत!

मुंबई : रोहित पवारांची फेसबुक पोस्ट चांगलीच चर्चेत आली आहे. रोहित पवार पोस्ट मधून म्हणाले, जंगलातला वाघ बघण्याची गेल्या तीन वर्षांपासूनची मुलांची इच्छा आज काहीशी सवड मिळाल्याने कुटुंबासह पूर्ण झाली आहे.

पुढे रोहित पवार म्हणाले, साक्षात वाघ बघून मुलं खूप आनंदी झाली आणि तो आपल्याला घाबरत का नाही? असं विचारलं.
मी त्यांना म्हणालो,”वाघाला त्याच्या क्षमतेवर पूर्ण विश्वास असल्याने तो कुणाला घाबरत नसतो. म्हणूनच आपणही वाघासारखंच रहायचं असतं आणि प्रामाणिकपणे काम करताना कोण काय म्हणतंय याकडं ढुंकूनही बघायचं नसतं. हत्ती सुद्धा रस्त्याने जात असताना आजूबाजूला ओरडणाऱ्यांकडं लक्ष देत नसतो.” हे ऐकून मुलंही म्हणाली, “महाराष्ट्रही असाच आहे ना बाबा!”.