संजय राऊत यांच्या घरातही कोरोनाचा शिरकाव

🕒 1 min read

मुंबई: राज्यात कोरोनाचा पुन्हा एकदा मोठ्या प्रमाणात फैलाव होत असल्याचे दिसत आहे. कोरोना रुग्णांच्या संख्येत सुद्धा झपाट्याने वाढ होताना दिसत आहे. सामान्य नागरिकांसोबतच आता राजकीय नेत्यांच्या घरात देखील कोरोनाने शिरकाव केला असल्याचे आपण गेल्या काही दिवसांपासून बघत आहोत. शिवसेना खासदार संजय राऊत (Sanjay Raut) यांच्या घरात देखील कोरोनाने शिरकाव केला असल्याची माहिती समोर आली आहे.

राज्यातील अनेक नेत्यांना कोरोनाची (corona) लागण झाली आहे. राज्यातील ७० आमदार आणि १० ते १५ मंत्र्यांना कोरोनाची लागण झाली असल्याची माहिती आरोग्य मंत्री राजेश टोपे यांनी दिली आहे. यात नगरविकास मंत्री एकनाथ शिंदे, विधान परिषदेतील विरोधी पक्षनेते प्रवीण दरेकर, राष्ट्रवादीचे आमदार रोहित पवार, माजी विरोधी पक्षनेते राधाकृष्ण विखेपाटील, खासदार सुजय विखे पाटील तसेच इतर अनेक मोठ्या नेत्यांना कोरोना झाला आहे.

शिवसेना नेते संजय राऊत यांच्या घरातील सदस्यांना कोरोनाची लक्षणे जाणवल्यानंतर त्यांची टेस्ट करण्यात आली होती. या टेस्टचा रिपोर्ट आला असून राऊत यांच्या आई, पत्नी, मुलगी आणि पुतणीला कोरोनाची लागण झाल्याचं निष्पन्न झालं आहे. मात्र, या सर्वांची लक्षणे सौम्य असून त्यांना होम क्वॉरंटाईन करण्यात आलं असल्याची माहिती समोर आली आहे.

महत्वाच्या बातम्या:

• अभिताभ बच्चन यांच्या जलसामध्ये कोरोनाची एन्ट्री; सुमारे ३१ कर्मचाऱ्यांची कोरोना तपासणी
• “तुमच्या गाऊन घालण्याच्या हट्टापायी…”; फडणवीसांचा उदय सामंतांना खोचक टोला
• महाराष्ट्रातून भाजप कार्यकर्ते उत्तर प्रदेशात प्रचारासाठी जाणार- देवेंद्र फडणवीस
• “मला मारलं बिरलं तर लफडं व्हायचं म्हणून..” भाजप आंदोलनानंतर आव्हाडांची प्रतिक्रिया
• “मुख्यमंत्री खुर्चीवर नसताना राज्य व्यवस्थित सुरु, याचं श्रेय राज्यपालांना…”, रावसाहेब दानवेंचा टोला