🕒 1 min read
नवी दिल्ली : वेस्ट इंडिजचा क्रिकेट संघ पाकिस्तान दौऱ्यावर असून, सोमवारी T20 मालिकेतील पहिला सामना खेळवला जाणार आहे. त्याआधीच वेस्ट इंडिजसंघातून एक वाईट बातमी समोर येत आहे. विंडीजचे खेळाडू शेल्डन कॉट्रेल (Sheldon Cottrel), रोस्टन चेस (Roston Chase), आणि काइल मेयर्स (Kyle Mayers) यांचा कोरोना अहवाल पॉझिटिव्ह आला आहे. वेस्ट इंडिज दौऱ्यावर टी-20 मालिकेनंतर वनडे मालिकाही खेळवली जाणार आहे.
पाकिस्तान दौऱ्यावर आलेल्या वेस्ट इंडिज संघाच्या तीन खेळाडूंचा अहवाल कोरोना पॉझिटिव्ह आला आहे, याशिवाय प्रशिक्षक नसलेल्या सदस्याचाही कोरोना अहवाल पॉझिटिव्ह आला आहे. तीन खेळाडू आणि एका सदस्याला 10 दिवसांच्या क्वारंटाईनमध्ये ठेवण्यात आले आहे. शेल्डन कॉटरेल, रोस्टन चेस आणि काइल मेयर्स यांना टी-20 मालिकेतून वगळण्यात आले आहे.
पॉझिटिव्ह आलेल्या सर्व खेळाडू तसेच स्टाफमधील मेंबर यांनी सर्वांनी कोरोना विरूद्ध लस घेतली होती, सर्वांचे लसीकरण पूर्ण करण्यात आले होते. चांगली गोष्ट अशी आहे की प्रत्येकामध्ये कोरोनाची कोणतीही लक्षणे नाहीत किंवा त्यांनी कोणत्याही प्रकारच्या समस्येची तक्रार केलेली नाही. पाकिस्तान आणि वेस्ट इंडिज यांच्यात सोमवारी पहिला टी-२० सामना रंगणार आहे. या मालिकेनंतर दोघांमध्ये ३ सामन्यांची वनडे मालिका खेळवली जाणार आहे.
तीन खेळाडू आणि कर्मचारी वगळता संपूर्ण संघाचा कोरोना अहवाल निगेटिव्ह आला आहे. ही मालिका निश्चित वेळापत्रकानुसार खेळवली जाईल. न्यूझीलंडचा संघ पाकिस्तानातून मालिका न खेळताच परतल्यानंतर पाकिस्तानमध्ये होणारी ही पहिलीच आंतरराष्ट्रीय पुरुष क्रिकेट मालिका आहे.
महत्वाच्या बातम्या
- …तेव्हा राज्यकर्त्यांच्या मानसिकतेची दया आली- संजय राऊत
- महाराष्ट्र आणि बंगालमध्ये ‘ईडी’,’सीबीआय’सारख्या यंत्रणा करतात भाजपासाठी काम
- कॅ.अमरिंदर यांना बदलले नसते तर पंजाबमध्ये काँग्रेस संपली असती- राहुल गांधी
- आज होणारी म्हाडाची परीक्षा ढकलली पुढे; मध्यरात्री ट्विट करत जितेंद्र आव्हाडांनी दिली माहिती
- एमआयएमची ‘तिरंगा रॅली’ मुंबई वेशीवरच रोखणार; पोलिसांचा कडक बंदोबस्त
बातम्यांसाठी YouTube चॅनेल Subscribe करा
Subscribe Now
