🕒 1 min read
पुणे : गेल्या काही दिवसांमध्ये पुणे शहराच्या कोरोना रुग्णांमध्ये वाढ होत होती. तर, कोरोनामुक्तांची संख्या ही नव्या बाधितांच्या तुलनेत कमी असल्याने सक्रिय रुग्णांमध्ये देखील वाढ होत होती. मात्र, आज कोरोनामुक्ताच्या संख्येत वाढ झाली आहे. तर, आज नव्या कोरोना रुग्णांची संख्या देखील तीनशे पारच आहे. त्यामुळे पुण्यावरील कोरोना संकट हे अजूनही कायम आहे.
आज (दि. १७ जुलै) रोजी पुणे शहरात तब्बल ३२१ नव्या कोरोना रुग्णांची नोंद करण्यात आली आहे. शहरातील एकूण संख्या आता ४ लाख ८३ हजार ५२० इतकी झाली आहे. शहरातील ४३२ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या ४ लाख ७१ हजार ९०९ झाली आहे.
तर, पुणे शहरात सध्या २ हजार ९२६ ऍक्टिव्ह (सक्रिय) रुग्ण आहेत. त्यापैकी २३४ रुग्ण गंभीर तर ४८९ रुग्ण ऑक्सिजनद्वारे उपचार घेत आहेत. पुणे महापालिका हद्दीत नव्याने ५ कोरोनाबाधित रुग्णांच्या मृत्यूची नोंद झाली आहे. दरम्यान, कोरोना स्थिती पूर्ण आटोक्यात येण्यासाठी पुणेकरांनी बेफिकिरी न करता अधिक काळजी घेऊन नियमांचे पालन करण्याची गरज आहे.
महत्त्वाच्या बातम्या
- अखेर कोल्हापूर जिल्ह्याचा तिसऱ्या स्तरात समावेश; सर्व प्रकारचे दुकाने होणार सुरु
- शाब्बास ! ‘या’ कारणासाठी दहा हजार किलोमीटरचा सायकल प्रवास; उपमुख्यमंत्र्यांनी घेतली दखल
- पवार-मोदी यांच्या भेटीनंतर राज्यात उलथापालथ होण्याची शक्यता ? चंद्रकांत पाटलांनी दिलं ‘हे’ उत्तर
- ‘भाजप ही वॉशिंग मशीन इथे डाकू पण साधू होतात’ ; राष्ट्रवादीचा टोला
- कोरोना नियमांचे उल्लंघन; आमदार प्रणिती शिंदेंवर गुन्हा दाखल
