तीन दिवस रांगेत थांबूनही रेमडिसिव्हीर मिळेना, पुण्यात रुग्णांच्या नातेवाईकांचे आंदोलन

🕒 1 min read

पुणे – पुण्यात कोरोनामुळे परिस्थिती बिकट बनत चालली आहे. कोरोनाबाधित रुग्णांवर उपचारासाठी लागणारे रेमडेसिवीर इंजेक्शनचा राज्यभर तुटवडा जाणवत असून पुणे शहर आणि जिल्ह्यातही हे इंजेक्शन उपलब्ध होत नाहीये. त्याच्या निषेधार्थ आज(दि.१५) सकाळपासून पुणे जिल्हाधिकारी कार्यालयाबाहेर करोनाबाधित रुग्णांच्या नातेवाईकांचे ठिय्या आंदोलन सुरू आहे.

राज्यात कोरोचा प्रादुर्भाव झपाट्याने वाढ आहे. त्यामुळे कोरोना बाधितांची संख्याही जास्त झाली आहे.रुग्णसंख्येत मोठी वाढ झाल्याने बेडही मिळत नसल्याची परिस्थिती निर्माण झाली आहे. कोरोना रुग्णसंख्या वाढत असताना मोठ्याप्रमाणावर भ्रष्टाचार सुरु असल्याने रेमडेसिवीर इंजेक्शनचा आणि औषधाचा तुटवटा जाणवू लागला आहे.

या संदर्भात बोलताना एका रुग्णाच्या मुलीने सांगितले की,माझे वडील 3 दिवसांपासून ससून च्या काळेवाडी येथील रुग्णालयात भरती आहेत. सुरुवातीला बेड मिळत नव्हता आता रेमडिसिव्हीर या औषधासाठी मी तीन दिवस रांगेत उभी आहे. मात्र अजून पर्यंत औषध मिळाले नाही. म्हणून आम्ही आंदोलनाचा मार्ग स्वकाराला आहे.

ज्यांच्याकडे पैसा आहे ते जादा दराने पैसे घेऊन औषध खरेदी करतात मात्र सर्वसामान्य माणसांनी कसं करायचं? आणि माझा बाप जगणार कसा? असा थेट सवाल या मुलीने केला आहे.

महत्त्वाच्या बातम्या

• जालना जिल्ह्यात वादळी वाऱ्यासह बेमोसमी पाऊस, वीज कोसळून शेतकरी ठार
• Breaking : कोरोनाच्या पार्श्वभूमीवर वैद्यकीय शिक्षण विभागाच्या परीक्षाही पुढे ढकलण्याचा निर्णय
• बीडमध्ये धुम स्टाईल चोरी, चालत्या टेम्पोतून ७२ हजारांचे एलईडी गायब
• पुण्यातील सोसायट्यांमध्ये बाहेरच्या व्यक्तींना ‘नो एन्ट्री’, महापालिकेचा आदेश
• ‘जयंत पाटील यांच्या सभेत पाऊस आला आणि विरोधकांनी त्याचा धसकाच घेतला’