बीड बायपास रोडवर विविध अपघातात दोघांचा मृत्यू

औरंगाबाद : बीड बायपासवर अपघाताची मालिका थांबता थाबत नाही आहे. हा रस्ता मृत्यूचा सापळाच झाला असल्याचे नागरिकांचे म्हणणे आहे. बीड बायपास रोडवर झालेल्या विविध अपघातात जखमी झालेल्या दोघांचा उपचारादरम्यान मृत्यू झाला.

विशाल विलास भिंगारे (वय 22, रा. तारांगण नगर बीड बायपास )हा तरुण 22 फेब्रुवारी रोजी सकाळी सव्वा आठ वाजेच्या सुमारास बीड बायपास रोडवरील झेंडा चौकातून जात असताना त्याला भरधाव वेगाने जाणाऱ्या वाहनाने धडक दिली होती. गंभीर जखमी झालेल्या विशाल भिंगारे याच्यावर घाटी रुग्णालयात उपचार सुरू असताना गुरुवारी सकाळी आठ वाजेच्या सुमारास त्याचा मृत्यू झाला. या घटनेची नोंद चिकलठाणा पोलिस ठाण्यात करण्यात आली आहे.

दुसऱ्या घटनेत राजेभाऊ बाबासाहेब साठे (वय 54, रा. माऊली नगर परभणी, ह. मु. अरुणोदय कॉलनी बीड बायपास ) हे बुधवारी दुपारी बीड बायपास रोड देवळाई चौकातून जालन्याकडे जात होते. बीड बायपास रोडवरील सुर्या लॉन्स समोर साठे यांना भरधाव वेगाने जाणाऱ्या वाहनाने धडक दिली. अपघातात जखमी झालेल्या राजेभाऊ साठे यांना उपचारासाठी घाटी रुग्णालयात दाखल केले असता डॉक्टरांनी तपासून मृत घोषित केले. या घटनेची नोंद पुंडलिक नगर पोलिस ठाण्यात करण्यात आली आहे.

महत्त्वाच्या बातम्या

• सामाजिक बांधिलकी! धनंजय मुंडेंकडून ‘त्या’ चिमुकलीचा पहिला वाढदिवस साजरा
• मंगलाष्टके नव्हे तर ‘वंदे मातरम्’च्या सुरात जुळल्या अनाथांच्या रेशीमगाठी
• ‘आ.संदिप क्षीरसागरांनी काकांच्या कामाचे श्रेय लाटले’
• जिल्हा मध्यवर्ती बँकासह सहकारी संस्थाच्या निवडणुका पुन्हा लांबणीवर
• बीडमध्ये दहावी, बारावी वगळता सर्व शाळा बंद