सुराणानगरातील कार्यालय फोडून संगणक चोरणारा गजाआड

औरंगाबाद : सुराणानगरातील महिलेचे कार्यालय फोडून दोन संगणक लांबवलेल्या चोराला जवाहरनगर पोलिसांनी अटक केली आहे. ईश्वर महादेव गावडा (वय २८, रा. सेव्हनहिल उड्डाणपुलाजवळ) असे त्याचे नाव आहे.

स्मिता अमोल झाल्टे (रा. प्लॉट क्र. १८, सुराणानगर) यांच्या मालकीचे बाईट झेड इन्फोटेक कॉम्प्युटर हे कार्यालय १३ ते १६ जानेवारीदरम्यान फोडून गावडा याने दोन संगणक लांबवले होते. याप्रकरणी जिन्सी पोलीस ठाण्यात गुन्हा दाखल करण्यात आला होता.

६ फेब्रुवारी रोजी दुपारी जवाहरनगर पोलीस ठाण्याच्या विशेष पथकाचे उपनिरीक्षक वसंत शेळके, जमादार गजेंद्र शिंगाणे, मनोज अकोले, पोलीस नाईक प्रदीप दंडवते, पोलीस नाईक विजय वानखेडे हे दुचाकी चोरांचा शोध घेत असताना त्यांना माहिती मिळाली. त्यावरुन पथकाने सेव्हनहिल उड्डाणपुलाच्या बाजुला अर्धवट बांधकामाच्या ठिकाणी पथकाने छापा मारुन ईश्वर गावडा याला पकडले. त्यावेळी जिन्याखाली लपवून ठेवलेले दोन संगणक जप्त करण्यात आले. गावडाला सध्या जिन्सी पोलिसांच्या स्वाधीन करण्यात आले आहे.

महत्वाच्या बातम्या

• पियुष गोयल शेतीतज्ज्ञ आहेत हे कळाल्याने माझ्या ज्ञानात भर पडली : शरद पवार
• महापुरुषांना जातीपातीच्या चौकटीत अडकवणं चुकीचं – पालकमंत्री धनंजय मुंडे
• भांडवलदारांना कृषी व्यवसायात चंचूप्रवेश देण्याचा मोदींचा डाव; ‘या’ मंत्र्याचा आरोप
• शेतकरी आंदोलनावरील आंतरराष्ट्रीय प्रतिक्रियांवर पंतप्रधानांच भाष्य
• भीषण : पंतप्रधान नरेंद्र मोदींनी घेतला उत्तराखंड दुर्घटनेचा आढावा