नगर जिल्हा कोरोना मुक्तीच्या दिशेने; रुग्ण बरे होण्याचे जिल्ह्यातील प्रमाण ९४.४५ टक्के!

🕒 1 min read

अहमदनगर/ऋषिकेश घोगरे:- मागील आठ दिवसांपासून नगर जिल्ह्यातील कोरोना बाधितांचे प्रमाण कमी झाल्याचे आकडेवारीवरून समोर आले आहे. अहमदनगर जिल्ह्यात सोमवारी दिवसभरात अवघे २५४ नवीन कोरोना बाधित रुग्ण आढळून आले आहे.

आता अहमदनगर जिल्ह्यात एकूण कोरोना बाधित रुग्णांची संख्या ५३ हजार ३३७ एवढी झाली असून आत्तापर्यंत ५० हजार ३७७ कोरोना बाधित रुग्णांनी कोरोनावर यशस्वी मात केली आहे. दरम्यान, जिल्ह्यात काल ३५१ रुग्णांना रुग्णालयातून डिस्चार्ज देण्यात आला. रुग्ण बरे होण्याचे जिल्ह्यातील प्रमाण हे आता ९४.४५ टक्के इतके झाले आहे. आत्तापर्यंत जिल्ह्यात ८१३ जणांचा कोरोनामुळे बळी गेला आहे.

जिल्हा रुग्णालयाच्या कोरोना टेस्ट लॅबमध्ये ६२, खासगी प्रयोगशाळेत केलेल्या तपासणीत ४६ आणि अँटीजेन चाचणीत १४६ रुग्ण बाधीत आढळले. जिल्हा रुग्णालयाच्या कोरोना टेस्ट लॅबमध्ये बाधीत आढळून आलेल्या रुग्णामध्ये, मनपा १०, अकोले १, कर्जत २, कोपरगाव १, नगर ग्रामीण ५, पारनेर ७, पाथर्डी ४, राहाता ९, राहुरी ४, संगमनेर १४, श्रीरामपूर ५ अशा रुग्णांचा समावेश आहे.

खासगी प्रयोगशाळेत केलेल्या तपासणीत बाधित आढळून आलेल्या रुग्णांमध्ये, मनपा २७, नगर ग्रामीण ५, नेवासे १, पारनेर ३, पाथर्डी ५, राहुरी १, श्रीगोंदे ३, मिलिटरी हॉस्पिटल १ अशा रुग्णांचा समावेश आहे. तर अँटीजेन चाचणीत बाधित आढळुन आलेल्या रुग्णांमध्ये, मनपा ५, अकोले २४, जामखेड २९, कर्जत ५,  कोपरगाव ४, नगर ग्रामीण १, नेवासे ११, पारनेर ६, पाथर्डी १९, राहाता १३, राहुरी १, संगमनेर १६, शेवगाव ३, श्रीगोंदा १, श्रीरामपूर ७, कॅंटोन्मेंट १ अशा रुग्णांचा समावेश आहे.

महत्वाच्या बातम्या :-

• भूकंपावर मात केलीय, यातूनही सावरू; शरद पवारांनी वाढवले शेतकऱ्यांचे मनोबल
• सत्तेत नसताना ‘सरसकट’ मागणी, मग आता ‘पंचनामे’ कशाला ?
• उद्धव ठाकरे आजवरचे सर्वात निष्क्रिय मुख्यमंत्री !
• महाराष्ट्राला मदत करण्यास केंद्राचा दुजाभाव : राजू शेट्टी
• राज्य सरकारने नुकसानग्रस्त शेतकऱ्यांना तात्काळ मदत जाहीर करावी- अनिल बोंडे